Što moža čakać tych, kaho buduć sudzić pa spravie «Biełaruskaha Hajuna»?
U Biełarusi startavali sudovyja pracesy nad aryštavanymi pa spravie «Biełaruskaha Hajuna». Ich vinavaciać u «sadziejničańni ekstremisckaj dziejnaści» — artykuł 361-4 Kryminalnaha kodeksa. Pahladzieli, jakija terminy ŭ 2025 hodzie ludzi atrymlivali pa hetym artykule.
My praanalizavali prysudy ludziej, jakich dadali ŭ milicejski śpis «ekstremistaŭ» u papiarednija miesiacy. Uklučeńnie ŭ hety śpis aznačaje, što rašeńnie suda ŭstupiła ŭ siłu — zvyčajna havorka idzie pra vynik apielacyjnaha suda, jaki adbyvajecca praz 2-3 miesiacy paśla suda pieršaj instancyi.
Tamu kali palitviaźnia ŭklučyli ŭ śpis «ekstremistaŭ» u pačatku červienia 2025 hoda, heta značyć, što apielacyjny sud u jaho adbyŭsia ŭ kancy maja 2025 hoda, a pieršasny sud — prykładna ŭ sakaviku 2025 hoda.
My ŭličvali tolki ludzi, jakich sudzili tolki pa č. 1 i č. 2 artykuła 361-4 — «sadziejničańnie ekstremisckaj dziejnaści» (mahčymaje pakarańnie — da 4 hadoŭ chimii ci ad 2 da 6 hadoŭ kałonii).
Usiaho takich 21 čałaviek. Heta toj samy artykuł, jaki ciapier inkryminujuć aryštavanym za «Hajun».
Dakładna viadomyja prysudy tolki piaci asudžanych za «sadziejničańnie».
Dvoje ź ich atrymali chatniuju chimiju. Taćciana Vasiljeva, maci palitźniavolenaj Julii Łaptanovič, atrymała dva hady chatniaj chimii za intervju miedyja. Natalli Haŭron dali 4,5 hady chatniaj chimii i 500 bazavych štrafu za dapamohu palitviaźniam.
Alesia Dziernakoŭskaja i Natalla Ładućka atrymali pa 4 hady kałonii za dapamohu palitviaźniam. Stačkamaviec i aktyvist Alaksandr Kraŭčuk atrymaŭ 4,5 hoda pazbaŭleńnia voli, ale dakładnaja sutnaść jaho abvinavačvańnia nieviadoma.
Jašče try čałavieki, jakich dadali ŭ śpis, atrymali chatniuju chimiju.
13 čałaviek atrymali pazbaŭleńnie voli abo chimiju z nakiravańniem.
Takim čynam, najbolš raspaŭsiudžanyja prysudy pa hetym artykule źviazanyja z pazbaŭleńniem voli. Ale častcy ludziej ščaścić bolej, i jany atrymlivajuć chimiju i chatniuju chimiju.
Zrešty, u takich hučnych vypadkach, jak sa spravaj «Hajuna», łukašenkaŭcy mahli pryniać niejkuju centralizavanuju instrukcyju dla sudździaŭ.
«Naša Niva» — bastyjon biełaruščyny
PADTRYMAĆCiapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary
Našyja susiedzi, što taksama vielmi dziŭna, nažal, nie vypravili hetuju pamyłku i nie znajšli pary tysiač jeŭra (što prosta pył nasamreč u paraŭnańni z karyściu) na adpaviednaha admysłoŭca pa biaśpiecy dla vajennaj vyviedki ŭ vajennyj čas. Pa toj ža samaj pryčynie.
I košt hetaj niedalnabačnaści składana pieraacanić. Navat, słova "katastrofa" i blizka nie pieradaje sutnaści dy hłybini.
[Zredahavana]