Na miažy ź Litvoj znajšli kantrabandu ŭ rybnych kansiervach sa Šviecyi

Jak paviedamili ŭ Dziaržaŭnym mytnym kamitecie, hruz naležaŭ rasijskamu pieravozčyku. Unutry lehalnaha tavaru — rybnych kansiervaŭ z usimi patrebnymi dakumientami — schavali 800 kiłahramaŭ nikacinavych paŭčaŭ.

Fota: Dziaržaŭny mytny kamitet

Kantrabandu znajšli ŭ punkcie propusku «Kamienny Łoh» padčas ahladu aŭtamabila praź inśpiekcyjna-dahladny kompleks. U vyniku z mašyny dastali 100 skrynak z tavaram, košt jakoha pieravyšaje 380 tysiač rasijskich rubloŭ (kala 4800 dalaraŭ).

Pavodle słoŭ mytnikaŭ, z-za hetaha «dadatku» pieravozčyk chacieŭ aščadzić na mytnych płaciažach bolš za 80 tysiač biełaruskich rubloŭ. Ciapier raspačaty administracyjny praces, i parušalniku pahražaje štraf da 30% ad koštu pradmieta pravaparušeńnia — kala 100 tysiač rubloŭ.

Kamientary da artykuła