U Hazie ad izrailskaha ŭdaru zahinuli piać supracoŭnikaŭ telekanała «Al-Džazira»
Padčas izrailskaha avijaŭdaru pa miedycynskim kompleksie «Aš-Šyfa» ŭ horadzie Haza zahinuli piać supracoŭnikaŭ telekanała «Al-Džazira» — viadomy žurnalist Anas Džamal aš-Šaryf, jaho kaleha Machamied Kurejka i troje apierataraŭ. Pavodle śviedčańniaŭ miedykaŭ, ataka pryjšłasia pa pałatcy dla žurnalistaŭ kala paškodžanaha korpusa balnicy, piša Euronews.
Anas Džamal aš-Šaryf
Izrailskaja armija paćvierdziła, što metaj byŭ aš-Šaryf, śćviardžajučy, što jon nibyta byŭ kiraŭnikom jačejki CHAMAS i kiravaŭ rakietnymi abstrełami, maskirujučysia pad žurnalista. Sam aš-Šaryf i «Al-Džazira» hetyja abvinavačańni adchilali. CACHAŁ apublikavaŭ dakumienty, jakija, pavodle ich, źviazvajuć žurnalista z CHAMAS.
Hod tamu izrailskija ŭłady ŭžo vykazvali padobnyja abvinavačańni suprać aš-Šaryfa i inšych supracoŭnikaŭ kanała. Kamitet pa abaronie žurnalistaŭ niadaŭna vykazvaŭ tryvohu za jaho biaśpieku i nazyvaŭ ataki na aš-Šaryfa častkaj kampanii dyskredytacyi.
Z pačatku vajny pamiž Izrailem i CHAMAS u kastryčniku 2023 hoda, pavodle dadzienych Kamiteta pa abaronie žurnalistaŭ, zahinuli kala 186 pradstaŭnikoŭ ŚMI, što robić hety kanflikt adnym z samych śmiarotnych dla žurnalistaŭ u apošni čas.
Čytajcie taksama:
U Tel-Avivie dziasiatki tysiač čałaviek pratestavali suprać praciahu vajny i akupacyi Hazy
Hiermanija zamaroziła ekspart zbroi ŭ Izrail u adkaz na płany akupavać siektar Haza
Izrailskija ŭłady ŭchvalili płan Nietańjachu pa akupacyi horada Haza