Urad Livana daručyŭ armii raspracavać płan razzbrajeńnia hrupoŭki «Chiezbała», jakaja padtrymlivajecca Iranam. Takoje rašeńnie było pryniata paśla amal šaścihadzinnaha pasiadžeńnia kabinieta ministraŭ. Pavodle słoŭ premjer-ministra Navafa Sałama, da kanca miesiaca Hienštab pavinien pradstavić płan, kab da kanca hoda prava na ŭzbrajeńnie mieli tolki dziaržaŭnyja Uzbrojenyja siły, paviedamlaje Euronews.
Rašeńnie pryniata na fonie mocnaha cisku z boku ZŠA. U lipieni Biejrut naviedaŭ śpiecpradstaŭnik prezidenta ZŠA Tom Barak, jaki zaklikaŭ livanskija ŭłady pryniać žorstkija miery suprać «Chiezbały».
Adnak pradstaŭnik hrupoŭki Naim Kasiem u svaim televizijnym zvarocie zajaviŭ, što razzbrajeńnie niemahčymaje va ŭmovach izrailskaj ahresii. Jon padkreśliŭ, što «Chiezbała» ličyć siabie častkaj Livana i nie prymie patrabavańniaŭ zdać zbroju biez harantyj nacyjanalnaj biaśpieki.
Padčas 14-miesiačnaha kanfliktu ź Izrailem, jaki skončyŭsia pieramirjem u listapadzie 2024 hoda, «Chiezbała» straciła šmat svaich bajevikoŭ, a jaje ŭzbrajeńnie było značna źniščana. Tym nie mienš, hrupoŭka zastajecca ŭpłyvovaj, asabliva siarod musulman-šyitaŭ.
Izrailskaja armija praciahvaje zajmać piać stratehičnych punktaŭ na terytoryi Livana, spasyłajučysia na patrebu harantavańnia biaśpieki. «Chiezbała» śćviardžaje, što nie budzie abmiarkoŭvać razzbrajeńnie, pakul izrailskija vojski nie pakinuć hetyja terytoryi i nie spyniać štodzionnyja abstreły.
Naim Kasiem taksama papiaredziŭ, što ŭ vypadku šyrokamaštabnaj ataki z boku Izraila «Chiezbała» adkaža, i rakiety ŭpaduć na izrailskuju terytoryju. Jon zajaviŭ, što hrupoŭka suprać hałasavańnia ŭ ŭradzie pa pytańni jaje razzbrajeńnia — takoje rašeńnie, na jaho dumku, pavinna być padtrymana ŭsim livanskim narodam.
Izrail upieršyniu surjozna razhladaje mahčymaść zaklučeńnia miru ź Siryjaj i Livanam
Mierc: Izrail robić hetu brudnuju pracu za nas
«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»
Śpiecapieracyja jak ź izrailskimi piejdžarami: rasijskim apierataram dronaŭ padaryli zaminiravanyja akulary
Jak rychtavałasia apieracyja pa padryvie pejdžaraŭ i racyj «Chiezbały»? Ahienty «Masada» raskryli padrabiaznaści
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary