U Tel-Avivie dziasiatki tysiač čałaviek pratestavali suprać praciahu vajny i akupacyi Hazy
Dziasiatki tysiač čałaviek pratestavali ŭ subotu ŭviečary ŭ Tel-Avivie i inšych haradach pa ŭsim Izrailu suprać rašeńnia ŭradu pašyryć vajnu ŭ Hazie. Da ŭdziełu ŭ akcyi zaklikali siemji pałonnych, jakija bajacca, što płany ŭradu pryviaduć da hibieli ich blizkich.
Pratesty, jakija byli adnymi z samych maštabnych za apošnija miesiacy, pačalisia praź niekalki dzion paśla taho, jak urad pryniaŭ rašeńnie zachapić Hazu, niahledziačy na piarečańni vajskoŭcaŭ ab tym, što hety krok padvierhnie niebiaśpiecy pałonnych i pahoršyć humanitarny kryzis u Hazie, piša Times of Israel.
Byłaja zakładnica Šaron Ałoni-Kunia, čyj muž Davida Kunia zastajecca ŭ pałonie, vystupiła z pramovaj.
«Ciapier, kali padpalščyki viečnaj vajny padšturchoŭvajuć usich nas da žudasnaj katastrofy, jany robiać heta navat nie dziela zakładnikaŭ — jany hučna zajaŭlajuć, što hatovyja achviaravać zakładnikami», — skazała jana, raskrytykavaŭšy rašeńnie ŭrada pašyryć bajavyja dziejańni i zachapić siektar Haza.
Elija Koen, jaki byŭ vyzvaleny z pałonu CHAMAS u lutym u ramkach apošniaha pahadnieńnia ab pieramirji i pieradačy zakładnikaŭ, taksama byŭ na mitynhu.
«Rašeńnie zachapić Hazu vybivaje mianie z kalainy. Ja viedaju, što adbyvajecca z zakładnikami, kali bajavyja dziejańni ŭzmacniajucca», — skazaŭ jon.
Koen zaklikaŭ da ŭsioabdymnaha pahadnieńnia, jakoje pakładzie kaniec vajnie i vyzvalić usich 50 pakinutych zakładnikaŭ.
Hrupy, jakija pradstaŭlajuć siemji zakładnikaŭ i zahinułych sałdat, vystupajuć za ŭsieahulny strajk rabotnikaŭ izrailskaj ekanomiki ŭ suviazi z płanami ŭrada ŭ dačynieńni Hazy, choć Nacyjanalny prafsajuz daŭ zrazumieć, što nie budzie abjaŭlać strajk.
Kamientary
koniečno, "pusť chamas zapuskajet rakiety i dalšie, vzryvajet, vyriezajet posiełki - eto žie hdie-to tam. a my budiem sidieť rovno na popie i ždať, čto samo soboj rassosietsia"
biezmozhłyje!!!! NIET, nie rassosietsia!!! ili vyriezať etot hnojnik, ili on budiet hnoiťsia viečno. raźvie eto takaja słožnaja mysl?
no dla pary tysiač idiotov ona niepodjemnaja vidimo...
nie nado obraŝať na nich vnimanija a diełať to, čto dołžno. pusť tiavkajut dalšie.