Minkult dazvoliŭ afarmlać daviedki anłajn
Ministerstva kultury Biełarusi dadało na Nacyjanalny partał elektronnych pasłuh «Je-Pasłuha» piać administracyjnych pracedur, jakija ciapier možna afarmlać anłajn.
Fota ilustracyjnaje
Ciapier arhanizacyi i śpiecyjalisty, jakija zajmajucca restaŭracyjaj, archieałahičnymi raskopkami abo inšymi rabotami na abjektach, jakija achoŭvajucca dziaržavaj, zmohuć padavać dakumienty praź internet, a nie asabista.
Novyja mahčymaści tyčacca atrymańnia i ŭzhadnieńnia takich dazvołaŭ:
- na navukova-daśledčyja i prajektnyja raboty z materyjalnymi historyka-kulturnymi kaštoŭnaściami;
- na restaŭracyju nieruchomych kaštoŭnaściaŭ katehoryj «0», «1» i «2»;
- na restaŭracyju nieruchomych kaštoŭnaściaŭ katehoryi «3»;
- na ziemlanyja, budaŭničyja i inšyja raboty na pomnikach archieałohii;
- na restaŭracyju materyjalnych historyka-kulturnych kaštoŭnaściaŭ.
Jak udakładniaje Nacyjanalny centr elektronnych pasłuh, dla karystańnia hetymi pracedurami patrebnyja elektronny ličbavy podpis abo ID-karta.