Makron nazvaŭ Pucina drapiežnikam i ludajedam
Prezident Francyi Emanuel Makron papiaredziŭ, što Rasija pieratvaryłasia ŭ pastajannuju krynicu destabilizacyi i doŭhaterminovuju pahrozu dla Jeŭropy.
Emanuel Makron i Donald Tramp padčas sustrečy ŭ Vašynhtonie 18 žniŭnia 2025 hoda. Fota: Win McNamee/Getty Images
Kiraŭnik Francyi padkreśliŭ, što Maskva inviestuje 40% biudžetu na vajskovyja vydatki i mabilizavała vojska kolkaściu zvyš 1,3 miljona čałaviek, tamu «nie vierniecca da miru i demakratyi za adzin dzień».
«Dla ŭłasnaha vyžyvańnia Pucinu treba praciahvać pahłynać — heta drapiežnik, heta ludajed kala našych dźviarej. Ja nie kažu, što zaŭtra napaduć na Francyju, ale heta realnaja pahroza dla ŭsioj Jeŭropy», — zajaviŭ Makron, zaklikaŭšy jeŭrapiejcaŭ «nie być naiŭnymi».
Francuzski prezident taksama adznačyŭ, što nie padzialaje aptymizmu Trampa adnosna mahčymaha mirnaha pahadnieńnia.
«Kali ja hladžu na fakty, ja nie baču, kab prezident Pucin chacieŭ miru ciapier. Mahčyma, ja zanadta piesimistyčny», — skazaŭ jon.
Čytajcie taksama:
Makron: My pavinny dapamahčy Ukrainie z dapamohaj naziemnych vojskaŭ
«Kaalicyja zhodnych» hatovaja raźmiaścić vojski va Ukrainie paśla spynieńnia ahniu
Stała viadoma, u jakich krainach moža adbycca sustreča Pucina i Zialenskaha