«Kaalicyja zhodnych» hatovaja raźmiaścić vojski va Ukrainie paśla spynieńnia ahniu
Lidary krain-udzielnic paśla anłajn-sustrečy ź Zialenskim zajavili pra hatoŭnaść adyhrać klučavuju rolu ŭ budučych harantyjach biaśpieki.
U pryvatnaści, havorka idzie pra šmatnacyjanalnyja siły, jakija mohuć być razhornutyja na terytoryi Ukrainy dla abarony jaje pavietranaj i marskoj prastory, piša UNIAN.
U zajavie taksama adznačajecca, što abaviazki Trampa pa pradastaŭleńni Ukrainie harantyj biaśpieki razhladajucca jak asnova budučaha pahadnieńnia, a kaalicyja budzie «apornym elemientam» hetaj architektury.
«Kaalicyja zhodnych» — heta mižnarodnaje abjadnańnie bolš jak 30 krain, u asnoŭnym jeŭrapiejskich, stvoranaje ŭ sakaviku 2025 hoda pa inicyjatyvie premjer-ministra Vialikabrytanii Kira Starmiera. Kaardynacyjnuju rolu adyhryvajuć Francyja i Vialikabrytanija. Meta — padrychtoŭka da mahčymaj misii na terytoryi Ukrainy paśla spynieńnia bajavych dziejańniaŭ: kantrol nad vykanańniem pieramirja, abarona pavietranaj i marskoj prastory, umacavańnie biaśpieki Jeŭropy.
Kamientary