Stała viadoma, u jakich krainach moža adbycca sustreča Pucina i Zialenskaha
Napiaredadni kancler Hiermanii Frydrych Mierc paviedamiŭ, što sustreču płanujuć pravieści na praciahu dvuch tydniaŭ.
Sustreča prezidentaŭ Rasii i Ukrainy — Uładzimira Pucina i Uładzimira Zialenskaha — moža adbycca ŭ Vienhryi. Pra heta paviedamlaje ahienctva Reuters sa spasyłkaj na krynicu ŭ Biełym domie.
Pa słovach Donalda Trampa, jaki anansavaŭ hetuju padzieju paśla samitu ŭ Vašynhtonie, miesca sustrečy jašče nie vyznačana. Pavodle jaho, spačatku projdzie dvuchbakovaja sustreča Pucin — Zialenski, paśla jakoj adbudziecca trochbakovy samit z udziełam amierykanskaha prezidenta.
Jak paviedamlaje Reuters sa spasyłkaj na jeŭrapiejskuju delehacyju, taki paradak pieramoŭ prapanavaŭ rasijski bok.
Kancler Hiermanii Frydrych Mierc paćvierdziŭ, što sustreču płanujuć pravieści na praciahu dvuch tydniaŭ.
Inšyja mahčymyja miescy sustrečy — Rym (prapanova italjanskaj premjerki Džordžy Miełoni) i Ženieva (prapanova prezidenta Francyi Emanuela Makrona), pra heta pisała italjanskaja presa.
Vienhryja raniej razhladałasia jak placoŭka dla sustrečy Pucina i Trampa, jakaja ŭrešcie adbyłasia na Alascy. Premjer Vienhryi Viktar Orban padtrymlivaje ciesnyja suviazi i z Maskvoj, i z Vašynhtonam. U krasaviku kraina abviaściła ab vychadzie ź jurysdykcyi Mižnarodnaha kryminalnaha suda, što aktualna ŭ kantekście vydadzienaha ordara na aryšt Pucina.
Prezident ža Francyi Emanuel Makron nazvaŭ Ženievu ŭ jakaści mahčymaj placoŭki dla dvuchbakovoj sustrečy Pucina ź Zialenskim. Pra heta jon zajaviŭ u intervju telekanału TF1.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary