Namieśnik staršyni Hancavickaha rajvykankama papaŭsia pjanym za rulom
U Hancavičach supracoŭniki DAI spynili namieśnika staršyni rajvykankama Vitala Prakurata, jaki kiravaŭ aŭtamabilem u stanie ałkaholnaha apjanieńnia, piša vydańnie «Pieršy».
Vital Prakurat
Vital Prakurat bolš za 20 hadoŭ zajmaŭ roznyja pasady ŭ miascovaj sistemie ŭłady i šmat razoŭ uznačalvaŭ vybarčyja kamisii. Jon kuryravaŭ u rajonie budaŭnictva, darožnuju haspadarku, ŽKH, transpart i suviaź. Ale paśla incydentu straciŭ i pasadu, i pravy kiroŭcy.
Pa niepaćvierdžanaj infarmacyi, ałkatestar pakazaŭ u kryvi čynoŭnika kala 2 pramile ałkaholu. Paśla zdareńnia jaho proźvišča źnikła sa śpisu namieśnikaŭ staršyni na sajcie rajvykankama.
Pieršymi pra hety vypadak paviedamili ŭ miascovym telehram-kanale Tipgants.
Darečy, heta nie pieršy padobny skandał u Hancavickim vykankamie: roŭna čatyry hady tamu, 18 žniŭnia 2021 hoda taksama za kiravańnie ŭ pjanym vyhladzie z pasady byŭ źniaty inšy namieśnik staršyni — Artur Hryharjan, jaki bolš za dziesiać hadoŭ adkazvaŭ za ekanamičny błok rajona.
Artur Hryharjan
Tamu ŭ Hancavičach užo žartujuć, što pasada namieśnika staršyni rajvykankama — nie tolki «chlebnaja», ale i «chmialnaja».
Čytajcie taksama:
Łukašenka pryznačyŭ piać namieśnikaŭ ministraŭ i siem kiraŭnikoŭ rajonaŭ
U Barysavie vydzialajuć bolš čym miljon dalaraŭ na «adradžeńnie jaŭrejskich tradycyj»
U Hrodzienskaj vobłaści zatrymali za chabar rehijanalnaha čynoŭnika