Žłobinski vodakanał nahladna pakazaŭ, čamu nielha kidać vilhotnyja survetki va ŭnitaz
Supracoŭnica Žłobinskaha vodakanała vykłała ŭ tyktoku videa, u jakim pakazała prablemu, jakaja ŭźnikaje, kali kidać va ŭnitaz vilhotnyja survetki, srodki asabistaj hihijeny i dziciačyja padhuźniki, zaŭvažyła vydańnie Telegraf.news.
Skrynšot ź videa
Videa źniataje kala pryjomnaj kamiery kanalizacyi, kudy traplajuć usie ściokavyja vody horada z nasielnictvam kala 76 tysiač čałaviek. Na videa bačnyja žaleznyja kraty, jakija zatrymlivajuć śmiećcie, što nie rastvarajecca ŭ vadzie.
Kali pradmiety ź sintetyčnych materyjałaŭ traplajuć u sistemu, supracoŭnikam vodakanała davodzicca rehularna čyścić ich uručnuju. U horšym vypadku jany mohuć zabłakavać unitaz u kvatery abo paškodzić abstalavańnie na pompavaj stancyi.
Supracoŭnica pradpryjemstva nazvała vilhotnyja survetki sapraŭdnaj «katastrofaj» dla vodakanała. U kamientarach da videa mnohija karystalniki pryznalisia, što nie viedali pra hetuju prablemu i ličać narmalnym kidać vilhotnyja survetki va ŭnitaz hetak ža sama, jak i tualetnuju papieru.
Prablema ŭ tym, što vilhotnyja survetki zvyčajna vyrablenyja ź sintetyčnych materyjałaŭ, takich jak poliester abo poliprapilen, prapitanych śpiecyjalnym rastvoram, tamu jany nie raspuskajucca ŭ vadzie. Heta robić ich niebiaśpiečnymi dla kanalizacyi, u adroźnieńnie ad papiery.
Niekatoryja kamientatary dzialilisia asabistym dośviedam i prapanavali rašeńni: pakazvać infarmacyjnyja roliki pa telebačańni, raźmiaščać abjavy na damach z papiaredžańniem, što ramont pompaŭ apłačvajuć žychary, abo arhanizoŭvać školnyja ekskursii na ačyščalnyja zbudavańni, što dapamahaje navučycca pravilna karystacca kanalizacyjaj.
Čytajcie taksama:
Kińcie časnyk va ŭnitaz na noč. Efiekt vas ździvić
Čamu minskaja Niamiha pierastała traplać u zvodki patopaŭ paśla zaleŭ?
«Smurod taki, što niemahčyma dychać». Dom u «Minsk-Śviecie» try dni zalivała kanalizacyjaj