Minčanie skardziacca, što ŭ horadzie vielmi mocna śmiardzić. Sanstancyja kaža, što niepakoicca niama pra što
Žychary roznych rajonaŭ stalicy kažuć, što ŭ horadzie vielmi drenna pachnie.
Skarhi na mocny smurod i pach kanalizacyi pastupali z zusim roznych rajonaŭ horada: Sierabranka, Uschod, Niamiha, Šabany, Zialony Łuh, rajon Partyzanskaha praśpiekta.
Niekatoryja haradžanie ŭpeŭnieny, što pryčyna smurodu va ŭhnajeńni paloŭ vakoł stalicy. Ale kažuć, što sioleta pach asabliva mocny.
U Minskim haradskim centry epidemijałohii kažuć, što turbavacca niama čaho. Hałoŭny doktar centra Ryhor Hieciuk pasprabavaŭ rastłumačyć usio nadvorjem i niejkimi łakalnymi pryčynami, ale napuściŭ jašče bolš tumanu.
Voś tłumačeńnie Hieciuka ahienctvu «Minsk-Naviny»:
«Adčuvańnie niepryjemnaha pachu možna źviazać z prysutnaściu ŭ atmaśfiernym pavietry sumiesi roznych złučeńniaŭ z krynic, raźmieščanych na dadzienaj miascovaści, a taksama kompleksam mietearałahičnych charaktarystyk, reljefam miascovaści i inšymi faktarami, jakija ŭpłyvajuć na pieranos, raśsiejańnie i transfarmacyju chimičnych złučeńniaŭ u pavietry».
Hieciuk zajaviŭ, što sanstancyja manitoryć jakaść pavietra, u tym liku pa dadatkovych paramietrach. Jon śćviardžaje, što ŭ červieni-lipieni ŭ Minsku maksimalna-razavyja kancentracyi zabrudžvajučych rečyvaŭ adpaviadali hihijeničnym normam, to-bok byli ŭ miežach normy.
Cichanoŭski raskazaŭ, što treba było rabić u žniŭni 2020-ha62
Kamientary
Niepakoicca niama pra što - im tak narmalna!