Časnyk — dobry dadatak da samych raznastajnych straŭ. Ale jaho možna z pośpiecham vykarystoŭvać jak srodak dezynfiekcyi, naprykład, unitaza.
Časnyk maje supraćzapalenčyja i antysieptyčnyja ŭłaścivaści. Dziakujučy najaŭnaści ŭ im alicynu, jaki źništažaje niekatoryja infiekcyjnyja mikraarhanizmy, časnyk nazyvajuć pryrodnym antybijotykam. Mienavita alicyn dapamoža pradezynfikavać unitaz, pieraduchilić rost bakteryj i hrybkoŭ. Dastatkova adnaho-dvuch zubčykaŭ časnyku.
Jak śćviardžajuć daśviedčanyja ludzi, praceduru lepš rabić na noč, bo zvyčajna hetaj paroju nichto nie karystajecca tualetam. Ale kali ŭ vas dniom nikoha niama doma, to možna zakinuć ačyščanyja zubčyki časnyku va ŭnitaz pierad vychadam na pracu. Rankam ci paśla viartańnia z pracy spuścicie vadu.
Dla padtrymańnia efiektu rabicie heta dva razy na tydzień.
Akramia dezynfiekcyi ŭnitazu, časnyk dapamoža pazbavicca ad žoŭtych plamaŭ u im. Dla hetaha treba zalić va ŭnitaz nastoj, pryhatavany pa śpiecyjalnym recepcie.
U kastrulu ŭlicie dźvie z pałovaj šklanki vady. Dadajcie try ačyščanyja zubčyki časnyku. Kali vada zakipić, zdymicie z ahniu i dadajcie pakiecik čaju, dajcie nastajacca i astyć. Pryhatavany nastoj vylicie va ŭnitaz pierad snom (ci adychodam na pracu). Rankam ci paśla viartańnia spuścicie vadu.
Kali plamy nie źnikli ź pieršaha razu, praceduru varta paŭtaryć.
Ale treba pamiatać, što vykarystańnie časnyku nie pavinna zamianić rehularnaha i starannaha prybirańnia tualeta.
Čytajcie jašče
Vadkaść dla pałaskańnia rota možna vykarystoŭvać dla roznych metaŭ. Voś dzie jana dapamoža
Ci zakryvać unitaz pierad zmyvańniem? Navukoŭcy dali kančatkovy adkaz
Kamientary