Viciebski muziej papoŭniŭ svaje zbory pry dapamozie mytnikaŭ

Fondy Viciebskaha abłasnoha krajaznaŭčaha muzieja papoŭnilisia bolš čym 80 pradmietami, jakija majuć kulturnuju i histaryčnuju kaštoŭnaść. Usie jany byli kanfiskavanyja mytnikami pa punkcie propusku «Hryhoraŭščyna», što na miažy z Łatvijaj, paviedamlaje Dziaržaŭny mytny kamitet. 

Histaryčna kaštoŭnyja rečy sprabavaŭ niezakonna ŭvieźci ŭ Biełaruś hramadzianin Ukrainy, jaki jechaŭ sa Šviecyi. Pry dahladzie jaho mašyny supracoŭniki mytni znajšli ceły nabor raznastajnych rečaŭ: stałovyja prybory, dekaratyŭnyja farforavyja statuetki, paštovyja marki, miedali, znački, maniety i inšyja pradmiety.

Usio heta było kanfiskavana i pieradadziena na ekśpiertyzu ŭ Mytnuju łabaratoryju. Śpiecyjalisty ŭstanavili, što 80 ź ich adpaviadajuć kryteryjam kulturnaj kaštoŭnaści — hałoŭnym čynam tamu, što vyrablenyja bolš za 100 hadoŭ tamu.

Siarod pieradadzienych u muziej ekspanataŭ asablivuju cikavaść ujaŭlajuć:

• maniety ZŠA, Finlandyi i Novaj Ziełandyi 1918—1921 hadoŭ;
• šviedskija miedali siaredziny XX stahodździa;
• žeton Šviecyi 1915 hoda;
• nahrudnyja znaki (Šviecyja, 1934—1959 hady);
• stałovyja prybory i farforavyja statuetki XX stahodździa.

Ciapier hetyja pradmiety buduć zachoŭvacca i ekspanavacca ŭ Viciebskim abłasnym krajaznaŭčym muziei jak častka historyka-kulturnaj spadčyny.

Kamientary da artykuła