Biełaruskija mytniki vyjavili ŭ hramadzianki Biełarusi, jakaja jechała z Polščy, amal 300 srebnych maniet, jakija jana sprabavała schavać ad kantrolu pry pierasiačeńni miažy, paviedamili ŭ Dziaržaŭnym mytnym kamitecie.
Pavodle infarmacyi DMK, 62-hadovaja žančyna jechała ŭ jakaści pasažyrki lehkavoha aŭtamabila praz punkt propusku «Brest». Jana vusna zajaviła pra pieramiaščeńnie praduktaŭ i ŭžyvanych asabistych rečaŭ i abrała na mytni «zialony kalidor».
«Pry ahladzie transpartnaha srodku mytniki z rečaŭ, jakija naležać hramadziancy, płastykavych kantejnieraŭ i zavadskoj aŭtamabilnaj sumki, raźmieščanych u aŭto, dastali maniety roznych naminałaŭ», — paviedamili ŭ kamitecie.
Vyjaŭlenyja hrošy byli adpraŭlenyja ŭ mytnuju łabaratoryju dla praviadzieńnia ekśpiertyzy, jakaja pakazała, što 79 z 296 maniet adnosiacca da kulturnych kaštoŭnaściaŭ, bo byli adčakanienyja bolš za sto hadoŭ tamu.
Maniety ahulnym koštam kala 36 tysiač rubloŭ, jakija padlahali dekłaravańniu, da rašeńnia suda ŭ žančyny kanfiskavanyja. U dačynieńni da jak Bresckaja mytnia raspačała administracyjny praces pavodle č. 2 art. 15.1 KaAP. Pavodle jaho praduhledžany štraf da 30 bazavych vieličyń (1260 rubloŭ) z mahčymaj kanfiskacyjaj maniet i mašyny, na jakoj jany pieravozilisia.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary