Mužčyna pry ŭjeździe ź Litvy ŭ Biełaruś nie zadekłaravaŭ, što viazie z saboj dziesiać załatych maniet ahulnym koštam kala 35 tysiač rubloŭ, raskazali ŭ Dziaržaŭnym mytnym kamitecie.
Pry vusnym apytańni kiroŭca zajaviŭ, što tavaraŭ, jakija padlahajuć dekłaravańniu, jon pry sabie nie maje. Adnak praviedzieny hrodzienskimi mytnikami ahlad jaho asabistych rečaŭ pakazaŭ inšaje.
Dziesiać maniet roznych naminałaŭ, jakija vyjavili ŭ biełarusa, byli vyrablenyja ŭ Italii, Narviehii, ZŠA, Kanadzie, Rasijskaj impieryi, aŭstryjskich Niderłandach. U ich składzie — bolš za 90% zołata.
Siem maniet z 10 majuć uzrost bolš za 100 hadoŭ i adnosiacca da kulturnych kaštoŭnaściaŭ.
Ciapier mužčynu pahražaje štraf u pamiery da 30 bazavych vieličyń — 1260 rubloŭ, a taksama dadatkovy — u pamiery ad 10% da 30% ad koštu maniet.
Kamientary