Naŭsieda paviedamiŭ, ci varta čakać admieny sankcyj ES śledam za amierykanskimi
Prezident Litvy Hitanas Naŭsieda prakamientavaŭ vyzvaleńnie 52 źniavolenych ź biełaruskich turmaŭ paśla čarhovaha vizitu amierykanskaj delehacyi ŭ Minsk. Siarod vyzvalenych byli i inšaziemcy, u tym liku šeść litoŭcaŭ. Canoj za vyzvaleńnie było siarod inšaha źniaćcie sankcyj ZŠA z avijakampanii «Biełavija».
Hitanas Naŭsieda. Fota: «Naša Niva»
Hitanas Naŭsieda nazvaŭ vyzvaleńnie bolš za paŭsotni ludziej «vialikim dypłamatyčnym pośpiecham dla Amieryki i dla ŭsich nas», havoračy ad imia Litvy jak člena ES. Jon padkreśliŭ efiektyŭnaść namahańniaŭ ZŠA i pachvaliŭ administracyju Donalda Trampa, adnak adznačyŭ, što pra źniaćcie sankcyj z boku ES pakul havorki niama.
«Ni pra jaki abmien «ludziej na sankcyi» havorki być nie moža. Z hetaha punktu hledžańnia nijakaha abmienu być nie moža», — padkreśliŭ Naŭsieda, zajaviŭšy, što tyja faktary, praź jakija Jeŭrapiejski Sajuz u svoj čas uvioŭ sankcyi suprać aficyjnaha Mienska, pakul što nikudy nie źnikli.
Tym nie mienš, Naŭsieda ličyć vyzvaleńnie źniavolenych «pazityŭnym sihnałam» z boku biełaruskich uładaŭ i miarkuje, što Minsk, vierahodna, nie čakaje asablivych sastupak u adkaz.
Čytajcie taksama:
Łatuška: Źniaćcie sankcyj z «Biełavija» — krok u intaresach biełaruskaha hramadstva
Minfin ZŠA patłumačyŭ, jak z «Biełavija» zdymuć sankcyi
«Padrabiaznaściaŭ nie viedajem». «Biełavija» nie papiaredzili, što z kampanii zdymuć sankcyi
Ci zmohuć samaloty «Biełavija» paśla źniaćcia sankcyj ZŠA znoŭ lotać u Jeŭropu?