«Padrabiaznaściaŭ nie viedajem». «Biełavija» nie papiaredzili, što z kampanii zdymuć sankcyi
Namieśnik hienieralnaha dyrektara «Biełavija» Hleb Parchamovič prakamientavaŭ navinu pra toje, što ZŠA źniali sankcyi z kampanii.
Parchamovič adznačyŭ, što navina stała dla jaho niečakanaściu. Tamu ŭ kampanii pakul ničoha nie viedajuć.
Rašeńnie pry hetym jon nazvaŭ doŭhačakanym, piša BiełTA.
«Avijakampanija z natchnieńniem uspryniała zajavu pradstaŭnika Prezidenta Złučanych Štataŭ Amieryki Džona Koŭła ab źniaćci sankcyj. Nie budu chavać, što jana stała, z adnaho boku, niečakanaj dla avijakampanii, ale z druhoha boku — doŭhačakanaj. Na žal, my padrabiaznaściami zaraz nie vałodajem», — adznačyŭ Parchamovič.
Kampanija paabiacała vypuścić pres-reliz, kali ŭsio stanie zrazumieła.
Ab źniaćci sankcyj z «Biełavija» abviaściŭ juryst prezidenta ZŠA Donalda Trampa Džon Koŭł na sustrečy z Alaksandram Łukašenkam. Paśla jaho vizitu na svabodu vyjšli 52 palitviaźnia.
Ciapier čytajuć
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary