«Turmy byli zapoŭnienyja biełaruskimi patryjotami». Łukašenka abmalavaŭ u čornych farbach mižvajennuju Polšču
Na sustrečy ź ideałahičnym aktyvam u Pałacy Niezaležnaści, prymierkavanaj da aficyjoznaha «Dnia biełaruskaha adzinstva», Łukašenka raskazaŭ pra niehatyŭnyja rysy palityčnaha režymu, jaki isnavaŭ u mižvajennaj Polščy.
Biełaruski patryjot, łaŭreat Nobieleŭskaj premii miru Aleś Bialacki, jaki znachodzicca za kratami ŭžo bolš za 4 hady. Panavańnie mižvajennaj Polščy skončyłasia 86 hadoŭ tamu
«My ŭsie pavinny pamiatać, što polskija turmy byli pierapoŭnienyja biełaruskimi patryjotami, što nacyja źniščałasia i duchoŭna, i fizična — samym žorstkim čynam», — skazaŭ Łukašenka.
Taksama jon źviarnuŭ uvahu na toje, što žychary Zachodniaj Biełarusi byli pazbaŭlenyja prava vučycca na rodnaj movie, pravasłaŭnyja chramy zakryvalisia, a nacyjanalnyja elity i śviatary pieraśledavalisia.
Asabliva važna, na dumku Łukašenki, raskazvać, jak hieraična zachodnija biełarusy hetamu supraciŭlalisia i abjadnoŭvalisia ŭ svajoj baraćbie.
Čytajcie taksama:
Kanapackaja prysutničała na sustrečy Łukašenki ź ideałahičnym aktyvam
Łukašenka zahadaŭ pryščaplać nieluboŭ da Polščy pačynajučy sa škoły