Na naradu ŭ Pałacy Niezaležnaści siońnia Piatroŭski pryjšoŭ u kitajskim frenčy.
Pra hety frenč Piatroŭski raspaviadaŭ u efiry Ryhora Azaronka.
Azaronak skazaŭ, što zajzdrościć takomu «šykoŭnamu frenču».
Piatroŭski adkazaŭ, što hety stroj jamu pašyli ŭ Kitai za sutki i «pryvieźli ŭ haścinicu».
«Mahu skazać, što ŭ Kitai ŭsio pracuje. Usio pracuje, i ŭsie pracujuć jak hadzińnik: dakładna, zładžana, miechanizmam. I kitajskija mnie tavaryšy kažuć: «A što ty budzieš šukać tam frenč? My tabie kraŭca dašlom, i jon tabie za sutki pašyje». I voś za sutki, ujavi, uziali i pašyli mnie. I pryvieźli ŭ haścinicu».
Piatroŭski skazaŭ, što frenč byŭ dastatkova tannym, ale sumu indpašyvu nie nazvaŭ.
Padobnyja frenčy ŭ styli Maa Czeduna časam nosiać kiraŭnik KNR Si Czińpin, kiraŭnik KNDR Kim Čen Yn, taksama taki fason ablubavaŭ rasijski prapahandyst Uładzimir Sałaŭjoŭ.
Deputatka, jakaja rychtuje pryhažuń dla Łukašenki, vyjšła zamuž23
Kamientary