Sikorski — Rasii: Paśla nie nyjcie. My vas papiaredzili
Kiraŭnik MZS Polščy Radasłaŭ Sikorski na ekstrannym pasiadžeńni Rady Biaśpieki AAN papiaredziŭ Rasiju, što ŭsie rasijskija abjekty, jakija apynucca ŭ pavietranaj prastory NATA, buduć źbivacca.
Radasłaŭ Sikorski. Fota: AP Photo/Matthias Schrader
«U mianie da rasijskaha ŭrada tolki adno papiaredžańnie: kali jašče adna rakieta ci inšy abjekt pierasiače našu pavietranuju prastoru biez dazvołu, śviadoma ci pamyłkova, i budzie źbity, a abłomki ŭpaduć na terytoryju NATA, nie prychodźcie siudy nyć. My vas papiaredzili», — zajaviŭ kiraŭnik MZS Polščy.
Ekstrannaje pasiadžeńnie Rady biaśpieki AAN było sklikana pa inicyjatyvie Estonii paśla taho, jak 19 vieraśnia try rasijskija źniščalniki MiH-31 parušyli pavietranyja miežy hetaj krainy kala vostrava Vajndła. Pavodle Hienštaba Sił abarony Estonii, jany znachodzilisia ŭ pavietranaj prastory kala 12 chvilin biez transpondara, palotnaha płana i suviazi z dyśpietčaram.
Čytajcie taksama:
Rasijski samalot-vyviednik zaŭvažyli nad Bałtyjskim moram — Hiermanija padymała źniščalniki
Ministarka abarony Litvy zaklikała źbivać rasijskija źniščalniki
Dva rasijskija źniščalniki pravakacyjna pralacieli nad polskaj naftavaj płatformaj
Rasijskija źniščalniki parušyli pavietranuju prastoru Estonii