Ministarka abarony Litvy Davile Šakalenie, kamientujučy zajavu Estonii ab parušeńni jaje pavietranaj prastory rasijskimi samalotami nahadała pra situacyju 2015 hoda, kali tureckija VPS źbili rasijski samalot Su-24.
«Try rasijskija źniščalniki nad Talinam — jašče adzin ćviordy dokaz taho, što [prahrama NATA] «Uschodni vartavy» daŭno naśpieŭ. Paŭnočna-ŭschodniaja miaža NATA praviarajecca nie prosta tak. My pavinny dziejničać surjozna. Turcyja pakazała prykład 10 hadoŭ tamu. Jość nad čym zadumacca», — napisała Šakalenie ŭ sacsietcy Ch.
24 listapada 2015 hoda turecki źniščalnik F-16 źbiŭ rasijski bambavik Su-24 kala siryjska-tureckaj miažy. Turcyja śćviardžała, što rasijski ekipaž parušyŭ jaje pavietranuju prastoru, niahledziačy na šmatlikija papiaredžańni. Maskva heta admaŭlała, zajaŭlajučy, što samalot znachodziŭsia vyklučna nad terytoryjaj Siryi. Adzin z rasijskich piłotaŭ zahinuŭ padčas pryziamleńnia paśla katapultavańnia.
Raniej paviedamlałasia, što Estonija abvinavaciła try rasijskija źniščalniki ŭ parušeńni svajoj pavietranaj prastory, choć u Ministerstvie abarony Rasii śćviardžajuć, što nibyta ničoha takoha nie było. Prezident ZŠA Donald Tramp, daviedaŭšysia pra hetu situacyju, zajaviŭ, što jana jamu vielmi nie padabajecca.
Kamientary
A tak da, proletieli i PVO dažie radarom nie poprivietstvovali. Skolko toj Estonii, tri minuty lotu. Etoho dostatočno, čtoby otbombiťsia i ujti za horizont.
Nu i "vostočnyj časovoj" s litovskoho na russkij pierievoditsia kak "dajtie nam 20 młrd jevro v hod dla načała". Ja žie ničieho nie pierieputała, poni Šakalenie? Vied́ niet?