Estonija sklikaje pasiadžeńnie Rady biaśpieki AAN z-za rasijskich źniščalnikaŭ, jakija parušyli jaje pavietranuju prastoru
Heta pieršy vypadak, kali pasiadžeńnia Rady biaśpieki AAN zaprasiła Estonija.
Rada biaśpieki AAN sklikaje 22 vieraśnia nadzvyčajnaje pasiadžeńnie — z-za parušeńnia Rasijaj pavietranaj prastory Estonii, jakoje było 19 vieraśnia.
Pra heta zajaviŭ ministr zamiežnych spraŭ Estonii Marhus Cachkna.
«Adkryta parušajučy našu pavietranuju prastoru, Rasija padryvaje pryncypy, jakija majuć važnaje značeńnie dla biaśpieki ŭsich dziaržaŭ-členaŭ AAN. Tamu vielmi važna, kab padobnyja dziejańni-asabliva kali jany ździajśniajucca pastajannym členam Rady biaśpieki — razhladalisia ŭ ramkach hetaha samaha orhana», — skazaŭ jon.
Cachkna padkreśliŭ, što heta parušeńnie pavietranaj prastory źjaŭlajecca častkaj bolš šyrokaj schiemy pavodzin Rasii, nakiravanaj na pravierku rašučaści Jeŭropy i NATO.
«Usiaho za niekalki dzion da hetaha 19 rasijskich bieśpiłotnikaŭ uvarvalisia ŭ pavietranuju prastoru Polščy, a rasijski ŭdarny bieśpiłotnik zastavaŭsia ŭ pavietranaj prastory Rumynii ciaham hadziny. Heta nie asobnyja incydenty, a častka bolš šyrokaj schiemy eskałacyi z boku Rasii, jak na rehijanalnym, tak i na hłabalnym uzroŭniach. Takija pavodziny patrabujuć mižnarodnaj reakcyi», — adznačyŭ Cachkna.
19 vieraśnia Rasija parušyła pavietranuju prastoru Estonii nad Bałtyjskim moram kala vostrava Vajndła — try rasijskija źniščalniki MiH-31 znachodzilisia tam 12 chvilin. Rasija admaŭlaje parušeńnie i zajaŭlaje, što maršrut źniščalnikaŭ pralahaŭ nad niejtralnymi vodami Bałtyjskaha mora na adlehłaści bolš za try kiłamietry ad vostrava Vajndła.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary