Maksimu Znaku zavočna ŭručyli ŭznaharodu «Za parušeńnie spakoju»

Biełaruski piśmieńnik i advakat Maksim Znak sioleta staŭ łaŭreatam prestyžnaj uznaharody «Za parušeńnie spakoju», jakuju štohod uručaje advažnamu piśmieńniku ŭ niebiaśpiecy Češski centr Vacłava Havieła ŭ Ńju-Jorku.

Padčas cyrymonii ŭznaharodžańnia

Hetaj uznaharodaj adznačajucca piśmieńniki i tvorcy, jakija prajaŭlajuć mužnaść u abaronie praŭdy i svabody. Raniej, u 2021 hodzie, jaje atrymaŭ biełaruski paet Dźmitryj Strocaŭ.

Na cyrymonii, u jakoj brali ŭdzieł kala 300 pradstaŭnikoŭ kultury, dypłamatyi i biznesu, pakazali fotazdymki pastanovak pavodle tvoraŭ Maksima Znaka, byli začytanyja ŭryŭki ź jahonych apaviadańniaŭ. 

Śviatłana Cichanoŭskaja, jakaja prysutničała na hetaj cyrymonii, padkreśliła, što los Maksima Znaka šmat u čym nahadvaje šlach Vacłava Havieła, jaki taksama siadzieŭ za kratami za śmiełaść «žyć u praŭdzie».

«Ušanoŭvajučy siońnia Maksima, my ŭšanoŭvajem kožnaha biełarusa, jaki admoviŭsia zdacca. Kožnaha piśmieńnika, kožnaha jurysta, kožnaha žurnalista, jaki abraŭ praŭdu zamiest kamfortu. My ŭšanoŭvajem usich, chto praciahvaje parušać iłžyvuju «cišyniu» tyranii», — skazała jana.

Kamientary da artykuła