Asudžany na 10 hadoŭ źniavoleńnia advakat Maksim Znak staŭ pieramožcam premii «Parušeńnie spakoju» Centra Vacłava Haŭła, jakaja prysudžajecca advažnamu piśmieńniku ŭ niebiaśpiecy.
Premija adznačaje aŭtaraŭ vybitnych tvoraŭ mastackaj litaratury, litaraturnaj publicystyki, bijahrafij, miemuaraŭ, dramaturhii abo paezii, jakija prajaŭlajuć advažnaść u inšadumstvie i zaznajuć niespraviadlivy pieraśled za abaronu demakratyi i pravoŭ čałavieka, paviedamlaje Biełaruski PEN.
Pry abviaščeńni ŭznaharody Bił Šypsi — pravaabaronca, zasnavalnik i dyrektar inicyjatyvy Art for Human Rights, a taksama siabra Rady dyrektaraŭ Centra Vacłava Haŭła — adznačyŭ:
«Jak kaleha-juryst, chaj i ŭ maim vypadku ŭžo ŭ adstaŭcy, ja vielmi rady, što Maksim Znak byŭ adzinahałosna abrany žury premii jak hodny łaŭreat hetaha hoda. Znak adbyvaje dziesiacihadovaje pakarańnie, pryznačanaje ŭ vieraśni 2021 hoda. Jahonaja kniha «Zekamieron» naležyć da liku samych kranalnych i mahutnych uzoraŭ turemnaj litaratury»
Maksim Znak — advakat, navukoviec, piśmieńnik, palitźniavoleny, jaki adbyvaje 10-hadovy termin u kałonii ŭzmocnienaha režymu pa biespadstaŭnych abvinavačańniach. Jon byŭ aryštavany 8 vieraśnia 2020 hoda ŭ Štabie Babaryki.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary