Nietańjachu paprasiŭ prabačeńnia ŭ Katara za ŭdar pa Dosie
Premjer-ministr Izraila Bieńjamin Nietańjachu patelefanavaŭ premjer-ministru Katara i prynios prabačeńni za parušeńnie suvierenitetu krainy ŭ vyniku niadaŭniaha ŭdaru Izraila pa stalicy Katara Dosie, paviedamlaje Axios.
Bińjamin Nietańjachu. Fota: Win McNamee/Getty Images
Paviedamlajecca, što Nietańjachu pravioŭ telefonnuju razmovu ź Biełaha doma, dzie jaho prymaje prezident ZŠA Donald Tramp. Pa danych ŚMI, Nietańjachu vykazaŭ škadavańnie ŭ suviazi z hibiellu katarskaha aficera padčas ataki Izraila.
CNN sa spasyłkaj na izrailskuju krynicu piša, što prabačeńni byli častkaj ździełki, nakiravanaj na toje, kab Katar akazaŭ cisk na CHAMAS i prymusiŭ jaho pryniać prapanovu administracyi Trampa pa spynieńni bajavych dziejańniaŭ.
Armija Izraila naniesła ŭdar pa Dosie 9 vieraśnia. Izrailskija vajskoŭcy zajavili pra «kropkavy ŭdar, nakiravany suprać vyšejšaha kiraŭnictva terarystyčnaj hrupoŭki CHAMAS». Nietańjachu i ministr abarony Izraila zahadali ŭdaryć pa lidarach CHAMAS paśla teraktu ŭ Ijerusalimie i ataki na izrailski tank u Hazie.
Čytajcie taksama:
Katar ličyŭsia biaśpiečnym miescam dla pieramoŭ. Što budzie paśla ŭdaru Izraila?
Tramp zapeŭniŭ kiraŭnictva Katara, što Izrail bolš bić pa ich terytoryi nie budzie
Nietańjachu vystupaŭ u AAN z kjuar-kodam na pinžaku FOTAFAKT
Pieršaja kraina Jeŭrasajuza zabaraniła ŭjezd Bińjaminu Nietańjachu
Padčas teraktu ŭ Ijerusalimie zahinuŭ rabin rodam ź Biełarusi