Premjer-ministr Izraila Bińjamin Natańjachu i ministr abarony Izraila Israel Kac vypuścili sumiesnuju zajavu, zhodna ź jakoj rašeńnie ab likvidacyi palityčnych kiraŭnikoŭ CHAMAS było pryniata ŭ paniadziełak, 8 vieraśnia, paśla teraktu ŭ Ijerusalimie.
Adrazu paśla ŭdaraŭ pa celach u Dosie kancylaryja premjer-ministra Izraila Bińjamina Nietańjachu apublikavała zajavu, u jakoj havaryłasia:
«Siońniašniaja apieracyja suprać vierchavodaŭ terarystyčnaj arhanizacyi CHAMAS była vyklučna niezaležnaj apieracyjaj Izraila. Inicyjataram jaje byŭ Izrail, jaje ažyćciaviŭ Izrail, i Izrail niasie za jaje ŭsiu adkaznaść».
Paźniej Natańjachu i ministr abarony Izraila Israel Kac vypuścili sumiesnuju zajavu, zhodna ź jakoj rašeńnie ab likvidacyi palityčnych kiraŭnikoŭ CHAMAS było pryniata ŭ paniadziełak, 8 vieraśnia, paśla teraktu ŭ Ijerusalimie. Jaho achviarami stali šaściora izrailcian.
«Siońnia (9 vieraśnia) dniom, skarystaŭšysia apieratyŭnaj mahčymaściu i paśla kansultacyj z usimi kiraŭnikami siłavych struktur, pry ich poŭnym uchvaleńni, premjer-ministr i ministr abarony pryniali rašeńnie realizavać dadzieny napiaredadni zahad CACHAŁ i (Słužbie biaśpieki) ŠABAK. Apieracyja była praviedzienaja hranična dakładna i efiektyŭna», — havorycca ŭ zajavie, u jakoj dziejańni armii Izraila nazvanyja «absalutna apraŭdanymi».
Pradstaŭnik CHAMAS u intervju telekanału Al Arabiya paviedamiŭ, što ŭ vyniku izrailskaha ŭdaru pa Dosie zahinuli lidar CHAMAS Chalił al-Chaja i jahony syn. Praŭda, telekanał Al Jazeera śćviardžaje, što al-Chaja, jak i inšyja členy palitbiuro CHAMAS, vyžyŭ.
Celami ataki byli taksama vysokapastaŭlenyja členy CHAMAS Chaled Mašal, Zachier Džabaryn, Machamad Darviš, Chusam Badran, Tachier al-Nana i Musa Abu Marzuk, ale pakul nieviadoma, ci zastalisia jany žyvyja.
Jak śćviardžaje telekanał Al Jazeera, napadu padvierhnułasia delehacyja CHAMAS, jakaja viała pieramovy z pasiarednikami ab prapanovie ZŠA pa spynieńni ahniu ŭ siektary Haza.
Katar, jaki vystupaje niepramym pasiarednikam na pieramovach adnosna pahadnieńnia ab spynieńni ahniu ŭ Hazie i vyzvaleńnia zachoplenych 7 kastryčnika 2023 hoda izrailskich zakładnikaŭ, vystupiŭ z rezkim asudžeńniem dziejańniaŭ Izraila.
Udary taksama asudzili Saudaŭskaja Aravija i hienieralny sakratar AAN Antoniu Huteryš.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary