Na impartnym ałkaholi ŭ Biełarusi źjaviacca novyja znaki
U Biełarusi źjavicca novy admysłovy znak na ałkaholnaj pradukcyi. Jon budzie abaviazkovy dla impartnych napojaŭ i pačnie dziejničać z 1 krasavika 2026 hoda.
Zdymak ilustracyjny. Fota: Naša Niva
Pavodle pastanovy Savieta Ministraŭ, hety znak pavinny buduć nanosić arhanizacyi i indyvidualnyja pradprymalniki, jakija zajmajucca zachoŭvańniem abo prodažam zamiežnaha śpirtnoha — jak aptovym, tak i roźničnym šlacham, u tym liku ŭ kaviarniach i restaranach.
Na markiroŭcy budzie namalavany zubr, a taksama źmieščanyja dva radki ź infarmacyjaj: numar licenzii, źmiena, bryhada i data vytvorčaści. Pamier znaka — 6 na 15 milimietraŭ, a malunak pavinien być vyraznym i dobra čytacca. Nanosicca jon budzie z dapamohaj śpiecyjalnych kroplestrumianiovych aparataŭ.
Akramia taho, abnoŭlenyja i akcyznyja marki dla roznych vidaŭ ałkaholu — ciapier dla kožnaha vidu buduć svaje ŭłasnyja pamiery, choć źniešni vyhlad u cełym zastaniecca raniejšym.
Paśla vykarystańnia starych marak pradpryjemstvy pavinny buduć źviarnucca ŭ Ministerstva pa padatkach i zborach, kab atrymać novyja.
Čytajcie taksama:
U Biełarusi vyrašyli nie zabaraniać vejpy — bo na ich jość «peŭny spažyviecki popyt»
Pastaŭki pienistych vinaŭ ź Biełarusi ŭ Rasiju vyraśli ŭ 21 raz