«Viadučy drenna vykazvajecca pra krainu». U Hrodnie praz danos zakryŭsia papularny kviz
Z kanca kastryčnika 2025 hoda ŭ Hrodnie pierastaŭ prachodzić kviz «Vspomnić VSie». Na hetyja hulni prychodzili pa 50 kamandaŭ, a słoty na rehistracyju raźlatalisia za chvilinu. Pa słovach arhanizataraŭ, kviz časova prypynili praz danos, piša Hrodna.life.
Fota: instahram-staronka kviza
«Na nas napisali danos pra toje, što my na kviz nie prapuścili čałavieka ź dziaržaŭnym ściaham i što na našych hulniach viadučy ŭ mikrafon drenna vykazvajecca pra krainu, ułady i hetak dalej, i da taho padobnaje. Viadoma, usie vy viedajecie, nikoli takich vypadkaŭ nie było. I pajšło-pajechała. Vielmi nieprystojny pryjom… Ale my vierniemsia. Abaviazkova», — napisali arhanizatary ŭ profili Instagram.
Kviz źjaviŭsia ŭ Hrodnie ŭ 2019 hodzie. Z časam jon vyras da 50+ kamandaŭ i pačaŭ prachodzić u adnoj z samych vialikich załaŭ horada — u moładzievym centry «Hrodna». Potym hulni pad nazvaj «Vspomnić VSie» stali prachodzić i ŭ inšych haradach.
Akramia taho, arhanizatary pravodziać kvizy i na karparatyvach. Pytańni dla hulniaŭ składajuć sami.
Čytajcie taksama:
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
Dziaržaŭnyja prapahandysty abviaścili Bondaravu «škodnaj zmaharkaj»