U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
Pradstaŭnica «Kibierpartyzanaŭ» Julijana Šamietaviec padrabiaźniej raskazała pra novy źliŭ danych KDB.
«Kibierpartyzany» atrymali danyja pra bolš čym 6000 biełarusaŭ, źviazanych z KDB. Pradstaŭnica arhanizacyi Julijana Šamietaviec prakamientavała «Našaj Nivie» detali maštabnaha źlivu.
«Kibierpartyzany» padzialajuć ludziej, čyje danyja trapili da ich, na dźvie hrupy.
Pieršaja ź ich uklučaje bolš čym 2000 asobaŭ, jakija ŭzajemadziejničali z KDB u apošnija hady, u tym liku i ŭ 2025‑m. Pavodle słoŭ Julijany, heta ŭ asnoŭnym novyja asoby, jakich nie było ŭ raniejšych źlivach.
Adnak hetyja danyja nie płanujuć apubličvać, ich buduć vykarystoŭvać dla ŭnutranaj pracy dla identyfikacyi ahientaŭ.
Chto hetyja ludzi? Siarod ich jość tyja, chto pajšoŭ na supracoŭnictva z KDB, ale nie tolki:
«U tym liku heta kali ludzi źviazvalisia z KDB pa svaich spravach, naprykład kryminalnych, ale nie palityčnych. Maŭlaŭ, možam supracoŭničać, kab zdać kahości sa svaich kryminalnych padzielnikaŭ».
Taksama «Kibierpartyzany» atrymali infarmacyju pra bolš za 4000 biełarusaŭ, jakija ciapier ci ŭ minułym źjaŭlalisia štatnymi supracoŭnikami KDB. Hetyja danyja ŭžo dadadzienyja ŭ bot pa deanonie siłavikoŭ, dzie raniej byli źviestki pra supracoŭnikaŭ milicyi.
Havorka idzie mienavita pra štatnych supracoŭnikaŭ KDB, šukać u bazie ahientaŭ i infarmataraŭ niama sensu.
A ci nie mahła novaja ŭciečka być kantralavanaj KDB, kab zapeckać kankretnych asobaŭ? Šamietaviec upeŭnienaja, što nie:
«My całkam vyklučyli hety faktar, usia infarmacyja daskanała pravieranaja. Ale nie vyklučajem, što KDB mohuć namahacca apraŭdacca takim absurdnym čynam, bo ničoha inšaha im nie zastajecca. Praŭda, takoje apraŭdańnie pracuje tolki ŭ minus KDB, niby im uvohule nikoha nie škada, navat svaich infarmataraŭ i supracoŭnikaŭ. Niby narmalna źlivać tysiačy svaich supracoŭnikaŭ, kab padstavić adnu ci navat niekalki asobaŭ».
Šamietaviec kaža, što «Kibierpartyzanam» viadoma našmat bolš pra biełarusaŭ, jakija supracoŭničajuć z KDB:
«Heta tolki pieršaja apracavanaja častka, u nas takich danych pa danosčykach i supracoŭnikach jašče na miesiacy pracy. Da hetaj infarmacyi navat siarod «Kibierpartyzanaŭ» jość dostup tolki ŭ vielmi abmiežavanaha koła ludziej, tamu apracoŭka danych idzie nie chutka, ale aktyŭna, i buduć jašče papaŭnieńni śpisu».
«Naša Niva» — bastyjon biełaruščyny
PADTRYMAĆCiapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT7
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1616
Kamientary
I pra kolkaść zastajecca vieryć.