Tramp zajaviŭ, što ZŠA nie buduć udzielničać u samicie G20 u PAR
Prezident ZŠA paviedamiŭ, što ŭ 2025 hodzie ZŠA nie buduć udzielničać u samicie «Vialikaj dvaccatki» ŭ Paŭdniovaj Afrycy.
Na sustrečy z prezidentam PAR Siryłam Ramafosam u Biełym domie Donald Tramp demanstravaŭ kadry pieraśledu biełych fiermieraŭ u Paŭdniova-Afrykanskaj Respublicy. AP Photo/Evan Vucci
«Heta absalutny soram, što samit G20 prachodzić u Paŭdniovaj Afrycy», — napisaŭ prezident ZŠA na Truth Social.
Da apošniaha momantu čakałasia, što ZŠA na hetaj važnaj ekanamičnaj sustrečy pradstavić vice-prezident Džej Dzi Vens, piša Bild.
Tramp rastłumačyŭ bajkot surjoznymi abvinavačvańniami ŭ adras krainy-haspadyni: jon znoŭ śćviardžaje, što ŭ Paŭdniovaj Afrycy zabivajuć biełych fiermieraŭ i adbirajuć u ich ziamlu.
«Pakul hetyja parušeńni pravoŭ čałavieka praciahvajucca, ni adzin pradstaŭnik urada ZŠA na samicie nie ŭdzielničaje. Ja ź nieciarpieńniem čakaju praviadzieńnia samitu G20 u 2026 hodzie ŭ Majami, Fłaryda!», — praciahnuŭ Tramp.
Čytajcie taksama:
«Stralaj u bura». Što pakazaŭ Donald Tramp prezidentu Paŭdniovaj Afryki