U Partuhalii admianiajuć abaronu dla biełarusaŭ, jakija vyjechali z Ukrainy padčas vajny
U Partuhalii admianili časovy abarončy status dla niekatorych hramadzian Biełarusi, jakija prybyli va Ukrainu paśla pačatku poŭnamaštabnaha ŭvarvańnia Rasii i atrymali tut časovy prytułak. Pavodle infarmacyi vydańnia SIC Notícias, hetyja asoby pavinny dobraachvotna pakinuć Partuhaliju ciaham 20 dzion, inakš ich mohuć departavać, piša «Jeŭrapiejskaja praŭda».
Zdymak ilustracyjny. Fota: vecteezy.com
Niekatoryja biełarusy raskazvajuć, što pakinuli Biełaruś jašče ŭ 2020 hodzie praz udzieł u pratestach suprać režymu Łukašenki i bajacca aryštaŭ i pieraśledu ŭ vypadku viartańnia.
«Ja apublikavała šmat paviedamleńniaŭ u sacyjalnych sietkach u padtrymku Ukrainy i suprać dyktatury Łukašenki. Nas mohuć aryštavać tolki za łajk pad publikacyjaj. A ja rabiła publikacyi», — skazała biełaruska Taćciana.
Va Upraŭleńni ŭ pytańniach intehracyi, mihracyi i prytułku Partuhalii (AIMA) patłumačyli, što luby čałaviek z časovym statusam, darosły ci niepaŭnaletni, moža atrymać zahad ab dobraachvotnym vyjeździe. Adznačany navat prykład dziciaci: 10‑hadovaj dziaŭčyncy, jakaja naradziłasia ŭ Rasii ŭ siamji ŭkrainskich baćkoŭ, niadaŭna skasavali časovy prytułak. Pavodle advakata siamji, ustanova paličyła, što dzicia moža viarnucca ŭ krainu pachodžańnia, bo tam niama kanfliktu.
Choć u Jeŭrasajuzie praciahnutaje dziejańnie Dyrektyvy ab časovym abarončym statusie dla ŭkraincaŭ da 4 sakavika 2027 hoda, niekatoryja dziaržavy pastupova admianiajuć hety status dla inšych zamiežnikaŭ, jakija prybyli z Ukrainy.
Čytajcie taksama:
Polšča rezka skaraciła vydaču mižnarodnaj abarony zamiežnikam, u tym liku biełarusam
Byłaja palitźniavolenaja ź Biełarusi trapiła ŭ zbornuju Polščy pa futbole siarod emihrantaŭ