Polšča pakul nie płanuje źmianiać rašeńnie ab adkryćci pamiežnych pierachodaŭ
Pavodle nieaficyjnaj infarmacyi, atrymanaj žurnalistam polskaha RMF FM Kšyštafam Zasadam, Polšča pakul nie płanuje źmianiać rašeńnie ab adkryćci pamiežnych pierachodaŭ ź Biełaruśsiu ŭ listapadzie, niahledziačy na surjozny kryzis na miažy Litvy i Biełarusi.
Zdymak ilustracyjny. Krynica: AP / Rafal Niedzielski
Na čaćvier zapłanavanyja kansultacyi namieśnikaŭ ministraŭ unutranych spraŭ Litvy, Polščy i Łatvii.
Litoŭskija ŭłady tłumačać hetyja sustrečy jak častku ahulnych pieramoŭ, jakija tyčacca kryzisu, vyklikanaha zakryćciom miažy ź Biełaruśsiu.
Polski bok adznačaje, što sustreča ŭ namieśnikaŭ ministraŭ była zapłanavanaja zahadzia i pavinna była pryśviačacca pieravažna abmierkavańniu mihracyjnaha kryzisu.
Razam z tym nie vyklučajecca, što padčas kansultacyj budzie zakranutaja i situacyja na litoŭska-biełaruskaj miažy.
Adnak, pavodle pradstaŭnikoŭ Ministerstva ŭnutranych spraŭ Polščy, hetyja pieramovy naŭrad ci pryviaduć da pierahladu płanaŭ ab adkryćci polska-biełaruskich pierachodaŭ užo ŭ hetym miesiacy.
Paśla rašeńnia Vilni ab zakryćci miažy, u Biełarusi zabłakavali vyjezd z krainy bolš jak tysiačy litoŭskich hruzavikoŭ. Za ich znachodžańnie na terytoryi Biełarusi spahaniajecca pa 120 jeŭra ŭ sutki z kožnaha aŭtamabila, taksama biełaruskija ŭłady pahražajuć kanfiskacyjaj transpartu.
Čytajcie taksama:
Jak žyvie prymiežnaja polskaja Kuźnica ŭ pradčuvańni adkryćcia miažy ź Biełaruśsiu
Polšča nie admaŭlajecca ad płanaŭ adkryćcia pamiežnych pierachodaŭ ź Biełaruśsiu