Paciarpiełaj u Tajłandzie biełaruscy zrabili pieralivańnie kryvi

Siabar paciarpiełaj u Tajłandzie 28‑hadovaj biełaruski Nastaśsi Jasiukievič paviedamiŭ vydańniu «Anłajnier», što pieralivańnie joj kryvi adbyłosia. Jon pierasłaŭ u redakcyju adpaviednaje paviedamleńnie ad konsulstva.

Nastaśsia Jasiukievič

«Stan pacyjenta zastajecca takim ža, jak i ŭčora. Učora donar zdaŭ 3 pakiety kryvi. Doktar pieraliŭ pacyjentcy 2 pakiety, i analiz kryvi palepšyŭsia. Adnak apieracyja ŭsio jašče niemahčymaja: stan pacyjenta nieabchodna stabilizavać i treba nazapasić jašče kryvi. Balnica ŭžo zapytała kroŭ z banka kryvi Tajłanda, i termin čakańnia składzie adzin tydzień», — havorycca ŭ hetym paviedamleńni.

Taksama «Anłajnier» atrymaŭ kamientar ad pasolstva Biełarusi ŭ Vjetnamie: tam pa-raniejšamu ŭvažliva sočać za situacyjaj.

Avaryja, u jakoj paciarpieła Nastaśsia, zdaryłasia 6 listapada ŭ pravincyi Kančanabury na maršrucie da raki Kvaj, ekskursijny aŭtobus z turystami pierakuliŭsia i zvaliŭsia z uzvyšša. Paciarpieli hramadzianie Rasii i Biełarusi, dvoje čałaviek trapili ŭ reanimacyju.

U 28‑hadovaj biełaruski šmatlikija pierałomy — rebry, skuła, pazvanočnik. Žančynie vydalili sielazionku i žoŭcievy puzyr. 

U balnicy sutyknulisia ź niedachopam kryvi dla pieralivańnia biełaruscy — u Tajłandzie jaje hrupa, treciaja admoŭnaja, redkaja. Ale ŭ vyniku prynamsi časova hetu prablemu ŭdałosia vyrašyć.

Kamientary da artykuła