Dla paciarpiełaj u žudasnaj avaryi ŭ Tajłandzie 28‑hadovaj biełaruski znajšli donaraŭ kryvi
Čaćviora rasijan adhuknulisia na prośbu pra dapamohu — «praviali ŭ darozie ŭsiu noč i pramčali 400 kiłamietraŭ da miažy z Mjanmaj, kab zdać kroŭ», piša Mash.
U Tajłandzie paśla pieravarotu ekskursijnaha aŭtobusa ŭ reanimacyi apynułasia 28‑hadovaja biełaruska Nastaśsia Jasiukievič.
Joj terminova patrebny byli donary z redkaj dla Tajłanda hrupaj kryvi — treciaja admoŭnaja. Praca chirurhaŭ u špitali spyniłasia, bo ŭ banku kryvi špitala było pusta.
Na prośbu pra dapamohu adhuknulisia rasijanie. «Praviali ŭ darozie ŭsiu noč i pramčali 400 kiłamietraŭ da miažy z Mjanmaj, kab zdać kroŭ. Paśla pracedury adna z vyratavalnic ź Jałty straciła prytomnaść, ale jaje chutka pryviali ŭ pačućcio», — piša Mash.
Avaryja zdaryłasia 6 listapada ŭ pravincyi Kančanabury na maršrucie da raki Kvaj, ekskursijny aŭtobus z turystami pierakuliŭsia i zvaliŭsia z uzvyšša. Paciarpieli hramadzianie Rasii i Biełarusi, dvoje čałaviek trapili ŭ reanimacyju.
U 28‑hadovaj biełaruski šmatlikija pierałomy — rebry, skuła, pazvanočnik. Žančynie vydalili sielazionku i žoŭcievy puzyr.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary