U «Minsk-Arenu» na kancert Dzimy Biłana nabiŭsia tłum narodu. Hledačy skardziacca na prablemy z kvitkami i pavodziny inšych

Učora rasijski śpiavak Dzima Biłan sabraŭ «Minsk-Arenu». U sacsietkach niekatoryja aburajucca arhanizacyjaj, bo ludzi trapili zusim nie na tyja miescy, jakija płanavali. «Naša Niva» pačytała, što pišuć.

Fota: skryn z tyktoku

Nie ŭsie naviedniki kancerta zdoleli biesprablemna zaniać svaje miescy. Adna z karystalnic raskazała ŭ sacsietcy Threads svaju historyju:

«Pryjšli ŭčatyroch na kancert, a našy miescy ŭžo zaniatyja. Upieršyniu sutykajusia z avierbukinham na kancerty […]

Na kancert trapili, nam pamianiali miescy. Ale post nie vydalaju, bo pieražyła stres».

Žančyna apublikavała fota ź ludźmi, jakija sutyknulisia z toj ža prablemaj — ź ich utvaryłasia cełaja čarha:

Fota: elena.lubit.travel / Threads

Žančyna patłumačyła, što kab pierasadzić jaje ź siabrami, spatrebiłasia nie mienš za 40 chvilin. U hety čas daviałosia biehać pamiž siektarami i stajać u doŭhaj čarzie da supracoŭnika, jaki pieraraźmiarkoŭvaŭ miescy.

Prablema, vierahodna, była źviazanaja z servisam kvitki.by, dzie častka ludziej mahła nabyć kvitki — toj servis ciapier u pracesie likvidacyi:

«Kvota dzielicca pamiž apieratarami. U peŭny momant prosta stała niemahčyma daviedacca, jakija [kvitki] pradadzienyja, a jakija — svabodnyja, raz — i pustata. A vyhružać kožnuju chvilinu technična niemahčyma».

A voś inšaja historyja z kamientaroŭ:

«Ja pryjšła na svajo miesca za 200 rubloŭ, a zamiest sceny tam bačnaje čornaje pałatno (trybuna D, siektar Bh, i nas takich niamała było). Pa vyniku nas pierasadzili ŭ parter i ŭsio było supier, ale spačatku ja prosta ŭ šoku była».

Fiškaj kancertu byli paloty Biłana prosta padčas śpievaŭ.

Mnohim hledačam šou spadabałasia. A voś u niekatorych byli pretenzii nie da arhanizataraŭ, a da inšych naviednikaŭ kancertu.

«Da Biłančyka pytańniaŭ niama, jon jak zaŭždy cudoŭny. Ale toje pačućcio, kali nabyŭ kvitok u parter na pieršy rad, a akazaŭsia na tancpole… Ludzi, vy jak dzikuny! Kinulisia da hetaj sceny.

Pałovu kancertu achova strymlivała ludziej, ale rešta kancertu była p*c. Vielmi kryŭdna było hladzieć u śpiny ludziej, jakija prypiorlisia da sceny sa svaich dalokich miescaŭ», — piša karystalnica Threads.

Adpisalisia ŭ Threads i tyja, chto pryjšoŭ na kancert mienavita patančyć, chacia b i na svaim miescy.

«Dno prabitaje. Daviałosia svarycca ź piersanałam i kazać, što tut kancert, a nie paminki, i tut treba tančyć, a nie siadzieć! Maja ŭziała».

Ludzi adznačali i inšyja niuansy padčas šou.

«U cełym kancert niebłahi, ale było šmat niuansaŭ. Nie ličačy pierasadku, vielmi raźjušyli achoŭniki, jakija šturchali, mocna i biez razboru. Kali viedali, što Biłan budzie chadzić pa radach, tady treba było arhanizavać narmalna, a nie šturchać!

Asabliva dziaŭčyna-achoŭnica napružyła, jakaja stajała kala mianie i prosta trymała. Nastroj jana mnie mocna sapsavała. Asadačak zastaŭsia».

Kamientary da artykuła