Hanna Bond u zachapleńni ad kancerta Lepsa. Ale pakryŭdziłasia na abureńnie svaich padpisčykaŭ
«Jak ja mahła pajści na Lepsa? Vy surjozna? Nie vam raskazvać, na jakich artystaŭ mnie chadzić».
Śpiavak Ryhor Leps aktyŭna padtrymlivaje Uładzimira Pucina i vajnu suprać Ukrainy. Śpiavak navat abiacaŭ płacić pa miljonu rasijskich rubloŭ rasijskim vajskoŭcam za kožny padbity tank Leopard.
Niadaŭna artyst vystupaŭ u Minsku ŭ Pałacy sportu — jon daŭ ažno dva kancerty zapar (6 i 7 listapada). Kvitki kaštavali ad 90 da 230 rubloŭ. Siarod tych, chto pryjšoŭ pasłuchać pra «riumku vodki na stole» była i błohierka Hanna Bond.
U instahramie žančyna padzialiłasia ŭražańniami: «A**ienny artyst, enierhija prosta pi***ieckaja. Prosta vybuch! Moj treci kancert Hryšy. Nu dar jość, talent. Hałoŭnaje, nie pr**bać. A jon daŭno na miažy».
Ale padpisčyki Hanny raskrytykavali jaje kulturnuju prahramu. Hanna ž pryznałasia, što stamiłasia ad niehatyvu i paabiacała banić tych, chto budzie niešta pisać — bo resursu reahavać na chejt u asabistych paviedamleńniach u jaje niama.
«Siabry, za apošni čas ja źjeła hory haŭna. Žyć stała tak ciažka, što sapraŭdnyja ślozy — heta raskoša. Bo ŭnutry taki bieton, što časam chočacca pamierci ad bolu. Nie vam raskazvać, kudy mnie chadzić, što hladzieć, jak atrymlivać asałodu ad dzion byćcia. Bo nichto z vas nie pražyŭ i dnia taho, što pražyvaju ja. U mianie niama plača, apory — jość tolki ja. Mianie nie pakidaje Boh, jon daje nadzieju i luboŭ da žyćcia. Ja prajšła takuju miasarubku, što ščaślivaja, što nie straciła siabie».
Błohierka vielmi pakryŭdžana tym, što joj pačali kazać, na jakich artystaŭ chadzić nie kamilfo.
«Jak ja mahła pajści na Lepsa? Vy surjozna? Heta moj vybar, kaho iści i słuchać i ŭvohule, što rabić. Ja viedaju minusy hetaha artysta, i plusy ŭ jaho taksama jość. Nie vam raskazvać, na jakich artystaŭ mnie chadzić».
Hanna kaža, što pamiž Šamanam i Lepsam vybrała apošniaha — i zaklikaje pavažać luby jaje vybar.
Kab razdać kvitki na Šamana, padklučyli rajvykankamy. A jon zapisaŭ videa «Priviet, Biełoruśsija!» i śpiavaŭ himn Rasii
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
Saša Niema dakazvaje, što ŭ 2020‑m trapiŭ na pratesty pjanym, paśla kancertaŭ u padtrymku Łukašenki
Biełarusy Varšavy masava pajšli na kancert Valeryja Mieładze
Toj samy masažyst raskazaŭ, navošta zdymaŭ hołych klijentak2
Kamientary