Zialenski zajaviŭ pra hatoŭnaść pracavać nad mirnym płanam Trampa
Prezident Ukrainy Uładzimir Zialenski ŭ viačernim zvarocie da ŭkraincaŭ zajaviŭ pra hatoŭnaść pracavać nad punktami mirnaha płanu prezidenta ZŠA Donalda Trampa. Pavodle jaho słovaŭ, padčas siońniašniaj sustrečy ŭ Kijevie ź ministram armii ZŠA Denam Dryskałam havorka išła «pra varyjanty dasiahnieńnia hetaha miru, etapnaść pracy i farmaty dyjałohu, a taksama novyja impulsy dla dypłamatyi».
Uładzimir Zialenski. Fota: Eduardo Parra/Europa Press via Getty Images
«Našy kamandy Ukrainy i ZŠA buduć pracavać nad punktami płanu dla zakančeńnia vajny. My hatovyja da kanstruktyŭnaj, sumlennaj i apieratyŭnaj pracy», — skazaŭ Zialenski ŭ viačernim zvarocie.
Jon źviarnuŭ uvahu amierykanskaha čynoŭnika na toje, što ŭ rakiecie Ch-101, jakoj Rasija ŭčora atakavała šmatpaviarchovik u Ciarnopali, vyrablenaja ŭ 2025 hodzie, i ŭ jaje składzie — 175 inšaziemnych kampanientaŭ, jakija traplajuć u Rasiju ŭ abychod nakładzienych na jaje sankcyj.
«Mir patrebny, i my cenim namahańni prezidenta Trampa i jaho kamandy dziela viartańnia biaśpieki ŭ Jeŭropu. Ukraina abaraniaje žyćcio i niezaležnaść dziakujučy śmiełaści našych ludziej, našamu adzinstvu ŭnutry dziaržavy i dapamozie partnioraŭ. Pracujem, kab usie try elemienty byli dastatkova mocnymi», — dadaŭ prezident Ukrainy.
Čytajcie taksama:
Zialenski paviedamiŭ, što aficyjna atrymaŭ ad ZŠA prajekt mirnaha płanu
Delehacyja vajskoŭcaŭ ZŠA pryjechała ŭ Kijeŭ abmiarkoŭvać płan spynieńnia vajny va Ukrainie
«Čakajem, što z nami buduć kansultavacca». Zachodnija palityki — pra tajny mirny płan ZŠA
ZŠA ŭzhadnili z Rasijaj mirny płan, vielmi niavyhadny dla Ukrainy