Mirny płan Trampa praduhledžvaje źniaćcie z Rasii sankcyj i jaje poŭnaje viartańnie ŭ suśvietnuju ekanomiku
Jak paviedamlajuć krynicy Bloomberg i «RBK-Ukraina», u novym mirnym płanie ZŠA pa Ukrainie prezident Donald Tramp nibyta prapanuje, kab Ukraina akramia skaračeńnia svaich uzbrojenych sił i terytaryjalnych ustupak zhadziłasia taksama na źniaćcie z Rasii sankcyj. Płan praduhledžvaje spynieńnie rasśledavańnia vajennych złačynstvaŭ rasijskaj armii i pieradaču Danbasa pad kantrol Maskvy, piša The Moscow Times.
Adna z krynic «RBK-Ukraina» adznačaje, što prajekt z 28 punktaŭ uklučaje amnistyju pa ŭsich vajennych złačynstvach i faktyčnaje poŭnaje viartańnie Rasii ŭ suśvietnuju ekanomiku.
20 listapada prezident Ukrainy Uładzimir Zialenski sustrakaŭsia ŭ Kijevie z amierykanskaj delehacyjaj pad kiraŭnictvam ministra armii ZŠA Dena Dryskała, jakoha Tramp nakiravaŭ dla prasoŭvańnia svajho płana.
Dypłamaty Jeŭrasajuza vykazali skieptycyzm adnosna luboj mirnaj ździełki, jakaja budzie pryniata biez uliku pazicyi Kijeva i jeŭrapiejskich sajuźnikaŭ, adznačajučy, što Pucin zhadžajecca na prapanovy tolki pad ciskam.
Krynicy taksama paviedamlajuć, što płan składaŭsia pry ŭdziele pasłańnikaŭ Trampa i Rasii, i jaho meta — pieraškodzić uviadzieńniu sankcyj suprać «Łukojła» i «Rasnafty», jakija pavinny nabyć moc 21 listapada.
Siarod inšych umoŭ płana — zabarona raźmiaščeńnia zamiežnych miratvorcaŭ va Ukrainie, skaračeńnie i abmiežavańnie ŭzbrajeńniaŭ USU, faktyčnaje pryznańnie Danbasa za Rasijaj z vypłataj «arendnaj płaty», a taksama «abiacańnie» Kramla nie napadać na Ukrainu i krainy Jeŭropy.
Delehacyja vajskoŭcaŭ ZŠA pryjechała ŭ Kijeŭ abmiarkoŭvać płan spynieńnia vajny va Ukrainie
«Čakajem, što z nami buduć kansultavacca». Zachodnija palityki — pra tajny mirny płan ZŠA
Klučavy abaronca Ukrainy hienierał Kiełah moža pajści ŭ adstaŭku
Pradstaŭnik Trampa admoviŭsia ad sustrečy ź Zialenskim u Ankary, bo toj nie zhodny z prarasijskim mirnym płanam
ZŠA ŭzhadnili z Rasijaj mirny płan, vielmi niavyhadny dla Ukrainy
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»38
Kamientary
Niešta nia baču fanataŭ ź ichnymi stabilnymi faksahramami pra «plan Rejhana» z «canoj na naftu ŭ 0,000 dalaraŭ za barel». Nu i, musić, planu źniaćciu sankcyjaŭ duža radyja zianonaŭskija łukaferšteery, jakija hałasili va ŭsie hłotki, što sankcyi – heta nibyta suprać «zvyčajnych ludziej» i nibyta «šturchańnie ŭ rasieju». Kušajcie nie ablapajciesia. PAŚPIACHOVY PREZYDENT TRAMP ZA 10000 HADOŬ!!! Uchachacha
A čamu b tady i nacystaŭ usich nie apraŭdać?