Pa infarmacyi dźviuch krynic ahienctva Reuters, ZŠA padrychtavali sakretny płan pa ŭrehulavańni kanfliktu va Ukrainie, u jakim Ukrainie prapanujecca achviaravać častkaj terytoryj, admovicca ad niekatorych vidaŭ uzbrajeńnia i skaracić armiju, kab damovicca z Rasijaj. Vašynhton nibyta daŭ zrazumieć prezidentu Ukrainy Uładzimiru Zialenskamu, što jon pavinien pryniać hety płan.
Zhodna z infarmacyjaj vydańnia Financial Times, płan uklučaje skaračeńnie kolkaści Uzbrojenych sił Ukrainy napałovu, admovu ad peŭnych vidaŭ zbroi i pieradaču kantrolu nad Danbasam Rasii. Žurnalisty nazyvajuć hetyja patrabavańni padobnymi da kapitulacyi, a sam Zialenski, pavodle najaŭnaj infarmacyi, imi nie zadavoleny.
Ukraina ŭvohule nibyta nie ŭdzielničała ŭ raspracoŭcy hetaha sakretnaha płana i atrymała tolki «sihnały» pra amierykanskija prapanovy, jakija abmiarkoŭvalisia z Maskvoj, paviedamiŭ vysokapastaŭleny ŭkrainski čynoŭnik.
Miarkujecca, što płan moža być zaćvierdžany ŭsimi zacikaŭlenymi bakami ŭžo da kanca listapada ci navat na hetym tydni, adznačaje pradstaŭnik Biełaha doma, padkreślivajučy, što administracyja ZŠA znachodzicca na «parozie surjoznaha praryvu».
Jak paviedamlała 19 listapada vydańnie Axios, administracyja prezidenta ZŠA Donalda Trampa tajna pracuje nad novym płanam miru, jaki składajecca z 28 punktaŭ i dzielicca na čatyry asnoŭnyja katehoryi: mir, harantyi biaśpieki, biaśpieka ŭ Jeŭropie i budučyja adnosiny ZŠA z Rasijaj i Ukrainaj.
Raspracoŭkaj dakumienta zajmajecca śpiecpasłańnik Trampa Styŭ Uitkaf u kantakcie z pradstaŭnikom prezidenta Rasii pa inviestycyjna-ekanamičnym supracoŭnictvie z zamiežnymi krainami Kiryłam Dźmitryjevym. Apošni paćvierdziŭ infarmacyju i adznačyŭ vysokija šancy na pośpiech.
19 listapada Tramp nakiravaŭ u Kijeŭ dypłamatyčnuju misiju na čale ź ministram armii ZŠA Deniełam Dryskałam dla abmierkavańnia ŭmoŭ na poli boju, patrebaŭ va ŭzbrajeńni i adnaŭleńnia mirnych pieramoŭ.
Ciapier čytajuć
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora1
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary