U Loźnie rajonnaja čynoŭnica zaklikała zadavać joj pytańni, ale adklučyła kamientary
Namieśnica staršyni Loźnienskaha rajvykankama Maryna Faliboha-Pietuchova trapiła ŭ niazručnuju situacyju, kali źviarnułasia da žycharoŭ praz TikTok, zaŭvažyła BGMedia.
Maryna Faliboha-Pietuchova. Fota: lioznonews.by
Naprykancy listapada čynoŭnica zapisała videa, u jakim zaprašała ziemlakoŭ zadavać joj lubyja pytańni — maŭlaŭ, jana adkrytaja da dyjałohu i choča pačuć ludziej.
Adnak u vyniku adbyŭsia kurjoz: nichto nie zmoh ničoha napisać, bo kamientary pad videa byli adklučanyja. Niekatory čas ludzi prosta maŭčali i vyhladała, nibyta nichto zusim nie zacikaŭleny ŭ znosinach. Tolki paźniej vyśvietliłasia, što kamientary byli zabłakavanyja samoj čynoŭnicaj — ci śviadoma, ci jana prosta zabyłasia ich uklučyć.
Pietuchova pracuje namieśnicaj staršyni rajvykankama z maja i adkazvaje za sacyjalnuju śfieru.
Čytajcie taksama:
Biełaruski čynoŭnik zahavaryŭ pa-biełarusku, čym vielmi ździviŭ i paradavaŭ ludziej
Čynoŭnika ŭ Bresckaj vobłaści zvolnili za bankaŭski rachunak u ES