U internecie raźlacieŭsia jaho adkaz pra śvinafiermy i pra stravu, suhučnuju z ukrainskim słovam «palanica».
Namieśnik staršyni Pinskaha rajvykankama Dźmitryj Pałchoŭski 31 kastryčnika sabraŭ u kabiniecie miascovych błohieraŭ i adkazaŭ na ich pytańni. Niepasrednyja, z humaram adkazy čynoŭnika razyšlisia pa internecie i stali miemam.
Tak, u Pałchoŭskaha spytali, što samaje smačnaje treba pakaštavać turystu ŭ Pinskim rajonie.
«Ryba na blasie, taŭkanica», — pieraličvaje čynoŭnik. Apošniuju nazvu jon vymaviŭ jak «tovkanycia».
«A heta što takoje?» — pytajucca ŭ jaho.
«O-o-o, heta asobnaja historyja, daviedajeciesia potym, — uśmichnuŭsia Pałchoŭski i praciahnuŭ śpis: — Kaŭbasa palcam pchanaja abaviazkova, draniki, pryčym roznyja, chaładziec».
Taŭkanica (ci taŭčanka) — heta toŭčanaja bulba, piure. Takoje dyjalektnaje słova sustrakajecca na zachodnim Paleśsi. U niekatorych havorkach strava nazyvałasia «kamy».
Taksama čynoŭnik raskazvaŭ pra pracu śvinafiermaŭ.
«Śvinka žyvie pryblizna dzieści kala paŭhoda, i praz paŭhoda my ŭžo adpraŭlajem jaje ŭ apošni šlach i atrymlivajem tuju pradukcyju, jakaja karystajecca vialikim popytam u našaha nasielnictva — to bok śvininu».
Spytali ŭ jaho taksama, ci abmiažoŭvaje žonku ŭ karystańni telefonam.
«Pasprabuj jaje abmiažuj, zastaniešsia bieź viačery! Vy što!
— emacyjna adkazaŭ jon. — Nie, kaniečnie, jak možna abmiežavać? Ja liču, što nie treba čałavieka naohuł abmiažoŭvać u takich rečach, a stvarać umovy tak, kab čałaviek sam nie zachacieŭ leźci tudy, kudy nie treba».
Błohier Pałvanyč pinsk pinskij rajon novosti pinska novosti v pinskie błohiery piervoho riehiona v Pinskie
Pałchoŭski kuryruje sacyjalnyja pytańni, kulturu i ideałohiju. Razam z tym, u publičnych vystupleńniach jon chvalić intehracyju z Rasijaj i padtrymlivaje jaje ŭ vajnie.
«Sapraŭdny siabra, sapraŭdny brat nam, biełarusam, —heta narody Rasijskaj Fiederacyi.
I my vybrali pravilnuju palityku na refierendumie ŭ 1995 hodzie — my prahałasavali absalutnaj bolšaściu za toje, kab mienavita ŭ ideałahičnym, palityčnym, vajennym, ekanamičnym płanie iści razam z našymi brackimi rasijskimi narodami, — vystupaŭ čynoŭnik na tak zvanym Dni adzinstva narodaŭ Biełarusi i Rasii. — I my nie praličylisia, i my heta bačyli ŭ apošnija hady, što tolki našy braty i siostry padstavili nam plačo.
Kali ŭ 2020 hodzie była sproba dziaržaŭnaha pieravarotu, kali ŭ 2022 hodzie pačalisia inšyja roznyja padziei ŭ Rasijskaj Fiederacyi, śpiecapieracyi, my zrazumieli, što my pavinny być i dalej razam».
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
Srazu vidno, čto ludi na svoich miestach i našli svojo nastojaŝieje prizvanije v žiźni.