U Biełarusi buduć hadavać bolš byčkoŭ na miasa
Alaksandr Łukašenka padpisaŭ ukaz «Ab raźvićci miasnoj haliny», nakiravany na pavyšeńnie efiektyŭnaści vytvorčaści jałavičyny ŭ krainie. Pra heta paviedamiła pres-słužba palityka.
Zdymak ilustracyjny. Fota: «Naša Niva»
Dakumient praduhledžvaje budaŭnictva i rekanstrukcyju śpiecyjalizavanych kompleksaŭ pa vyroščvańni i adkormie byčkoŭ. Realizacyja maštabnaha prajekta zapłanavanaja na pieryjad z 2026 pa 2030 hod.
Ukazam vyznačajucca ŭmovy realizacyi inviestycyjnych prajektaŭ i patrabavańni da ich. U pryvatnaści, praduhledžvajecca vydača subsidyj na vypłatu pracentaŭ pa kredytach na parytetnaj asnovie za košt srodkaŭ respublikanskaha i miascovych biudžetaŭ.
Akramia taho, finansavańniem budaŭnictva i madernizacyi žyviołahadoŭčych kompleksaŭ zmoža zajmacca Bank raźvićcia Respubliki Biełaruś. Kredyty buduć vydavacca terminam da 20 hadoŭ z vypłataj pracentaŭ u pamiery staŭki refinansavańnia Nacyjanalnaha banka.
Taksama ŭstanoŭleny limit kredytavańnia — 85 bazavych vieličyń (3825 rubloŭ) na adno stojła dla žyvioły.
Jak adznačyli ŭ pres-słužbie Łukašenki, ukaz nakiravany na ŭmacavańnie materyjalna-techničnaj bazy miasnoj haliny i rost ułasnaj vytvorčaści jałavičyny.
Čytajcie taksama:
Ekanomny racyjon. Jakija nabory praduktaŭ možna kupić u biełaruskich kramach za 5 rubloŭ?
Miedyki ŭpieršyniu zafiksavali śmierć čałavieka ad «alerhii na miasa», vyklikanaj klaščom
Łukašenka pryhraziŭ pazdymać hałovy za padziež žyvioły
Navukoviec raskazaŭ pra budučyniu cialat, jakich naradzili biełaruskija karovy ad zubra