Ekanomny racyjon. Jakija nabory praduktaŭ možna kupić u biełaruskich kramach za 5 rubloŭ?
Zastaŭsia adzin dzień da zarobku, a na karcie bałans nabližajecca da nula? Byvajuć situacyi, kali davodzicca tužej zaciahnuć pajasy. Žurnalist Myfin.by vyrašyŭ pravieryć: ci realna aščadzić na ježy? Dla ekśpierymientu vybrali ekstremalna abmiežavany biudžet — usiaho piać rubloŭ na dzień, a kuplać niešta adpravilisia ŭ samyja dastupnyja handlovyja sietki.
«Śviatłafor»
Krama-skład vyłučajecca maksimalna pryvabnymi cenami i vyhadnymi pazicyjami, voś tolki raźličanaja handlovaja sietka na zakupku vialikimi abjomami. Adšukać pradukt koštam da 1 rubla praktyčna niemahčyma, pry hetym na niekatorych tavarach krasujecca nadpis «aptovy prodaž».
Avantura ŭkłaścisia ŭ piacirublovy biudžet i nabyć paŭnavartasny nabor praduktaŭ, kab charčavacca ŭvieś dzień, na pieršy pohlad, zdajecca nievykanalnaj. U adździele miasamałočnaj pradukcyi stanovicca zrazumieła, što syrki i inšyja pierakusy dla hetaha nie pasujuć.
U jakaści asnoŭnaj stravy ŭziali paštet sa smakam kurynaj piačonki 240 h za 2,13 rub. i chlabcy za 1,34 rub. Na harnir padydzie kansiervavany harošak, abjom blašanki — 400 h, a cana — 1,50. Usiaho patracili 4,97 rubla.
Racyjon atrymaŭsia biedny, ale varta adznačyć, što pradukty atrymajecca raściahnuć na dzień, a ŭ košyku niama škodnych praduktaŭ i łokšyny chutkaha pryhatavańnia.
Druhi varyjant ekanomnaha mieniu zrobleny z uporam na hrečku pa 1,61 rub. za 800 h, a ŭ dadatak da kašy ŭziali dziciačuju miasnuju kansiervu «Indyk i harodnina» 100 h za 1,88 rub. U jakaści desiertu možna ŭziać sałodki tvarožny syrok sa smakam manha 100 h pa 1,23 rub. albo adrazu dva pački marožanaha pa 55 kapiejek.
U abiedźviuch kambinacyjach z roznymi desiertami atrymałasia vytrymać piacirublovy limit.
«Jeŭraopt»
Tut taksama nie pajšli lohkim šlachach, prykupiŭšy dźvie bulbiny abo kačan kapusty.
Znoŭ addali pieravahu krupam. Naprykład, jačmiennyja abyducca ŭsiaho ŭ 0,89 rub. za paŭkiło. Pakolki atrymałasia zakryć pytańnie z harniram da rubla, možna dazvolić sabie krabavuju sałatu 150 h za 1,79. Na abied asnoŭnaj stravaj stanie viermišelevy sup albo juška ŭsiaho za 0,89. Rešty sumy całkam chopić na desiert — u adździele z vypiečkaj znajšli ziefir ułasnaj vytvorčaści za 1,47.
Vynikovy ček vyjšaŭ na 5,04 rubla. Ale možna pašukać ziefir lahčejšy albo prykłaści dyskontnuju kartu sietki i źmienšyć sumu pakupak za košt bonusaŭ.
U jakaści alternatyŭnaha naboru prapanujecca viermišel 450 h pa 0,94 rub. zakrasić tamatnym sousam pa 0,89. Ź miasnoha možna ŭziać dziciačy paštet «Mišutka» pa 1,45. Na reštu sumy — prykupić chlabcy «Baradzinskija» pa 1,19.
Hetym razam zastalisia biez prysmakaŭ, ale z reštaj u kišeni: zakupicca praduktami ŭdałosia ŭsiaho za 4,47 rub.
«Try cany»
Krama «Try cany» prapanuje jadomyja tavary ŭ mienšaj stupieni, ale na stełažach atrymałasia adšukać niekatoryja prydatnyja varyjanty.
Adrazu varta adznačyć, što makaronnyja vyraby tut daražejšyja, čym u «Jeŭraopcie». Samy dastupny pačak kaštuje 1,51 rub. Kilka «Biełaruskaja» ŭ tamatnym sousie pryvablivaje canoj — 1,99. Na desiert možna ŭziać chałvu ŭ šakaładzie za 1,01.
Zdoleli ŭkłaścisia ŭ 4,60 rubla.
Pasprabavali sabrać i druhi varyjant praduktovaha košyka.
Biedny asartymient padšturchoŭvaje ŭziać dźvie ŭpakoŭki łokšyny chutkaha pryhatavańnia «Syčuańskaja miks» sa smakam kurycy albo jałavičyny pa 0,68 rub. Kłasičnyja miasnyja kaŭbaski pa 2,47 rub. dapamohuć zrabić abied pa-sapraŭdnamu sytnym. Na sałodkaje dastupnym pa canie akazałasia fruktovaje piure pa 1,07 rub.
Hetym razam vynikovaja suma — 4,90 rubla.
Fix Price
U sietcy nizkich cenaŭ na stełažach u asnoŭnym pradstaŭlenyja słodyčy.
Z ŭmoŭna narmalnaj ježy jość viermišelevy sup sa smakam kurycy roŭna za 1 rubiel. Darečy, na ŭpakoŭcy paznačana, što źmieściva raźličana na čatyry porcyi. U takuju ž canu abydziecca jašče adzin varyjant pieršaj stravy — haračy kubak z sucharykami. U jakaści sytnaj artyleryi znoŭ vystupić kilka «Biełaruskaja», ale daražejšaja na kapiejku, čym u «Try cany». U prykusku da ryby pojdzie łokšyna «Pietra» za 50 kapiejek, a na desiert — salidny tulski piernik za 1,50 rub. z načynkaj.
U jakaści alternatyvy pierniku možna kupić kłubničnaje piečyva za rubiel i kisiel z vodaram žuravin za 28 kapiejek.
Atrymałasia idealna ŭvajści ŭ zapłanavany biudžet.
Mieniu biez prykras. Što ŭ vyniku?
Možna zrabić vysnovu, što pry biudžecie ŭ piać rubloŭ vy dakładna nie zastaniaciesia hałodnym, adnak raznastajnyja prysmaki ź mieniu pryjdziecca vyklučyć.
Akramia taho, padčas ekśpierymientu nie vyjšła zakupicca praduktami tak, kab vyrazna padzialić ich na try raznastajnyja pryjomy ježy. I, chutčej za ŭsio, nie atrymałasia vykanać idealnuju normu KBŽV, ale kali ŭ pryjarytecie ekanomija, to ŭkłaścisia ŭ minimalnuju sumu na ježu całkam realna.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary