Ukrainskija drony atakavali palihon, ź jakoha robiać zapuski rakiet «Arešnik»
Ukrainskija bieśpiłotniki atakavali palihon, na jakim pravodziać zapuski balistyčnych rakiet siaredniaj dalokaści «Arešnik». Pavodle infarmacyi z rasijskich krynic, heta zdaryłasia na 4‑m dziaržaŭnym centralnym mižvidavym palihonie «Kapuścin Jar» u Astrachanskaj vobłaści, dzie pracavała supraćpavietranaja abarona, paviedamlaje vydańnie militarnyi.com.
Fota ilustracyjnaje
Na hetym palihonie pravodziacca vyprabavańni roznych rakiet — jak małoj, tak i siaredniaj dalokaści, kryłatych rakiet i sistem supraćpavietranaj abarony. Mienavita adsiul rakietaj «Arešnik» 8 studzienia Rasija naniesła ŭdar pa pryharadzie Lvova.
Raniej, u lipieni 2024 hoda, ukrainskija bieśpiłotniki ŭžo atakavali «Kapuścin Jar», paškodziŭšy budynki na palihonie. Rasijskija ŚMI tady apublikavali videa, dzie vidać, jak bieśpiłotniki traplajuć u mantažna-vyprabavalny korpus.
Čytajcie taksama:
Pakazanyja askiepki «Arešnika», jakim Rasija siońnia nočču atakavała Ukrainu
Rasijanie nanieśli ŭdar pa Lvoŭskaj vobłaści. Padazrajuć «Arešnik»
Va Ukrainie zajavili, što źniščyli adzin rasijski «Arešnik» prosta na palihonie
Rasija zakryje nieba nad Kapuścinym Jaram. Raniej tak rabili pry atacy «Arešnikam»