U Lvovie ŭviečary 8 studzienia paśla abviaščeńnia pavietranaj tryvohi prahrymieli vybuchi. Paśla stała viadoma, što pad udar trapiŭ abjekt krytyčnaj infrastruktury ŭ vobłaści. Pra heta paviedamili mer Lvova Andrej Sadovy i kiraŭnik Lvoŭskaj abłasnoj vajennaj administracyi Maksim Kazicki.
«Paśla abviaščeńnia pavietranaj tryvohi ŭ Lvovie była čutnaja sieryja vybuchaŭ. Zaraz vyśviatlajem, što mienavita adbyłosia, ci byli heta pryloty i ŭ jakim rajonie. Pracujem z usimi słužbami», — skazaŭ Andrej Sadovy.
U svaju čarhu Maksim Kazicki ŭ 00:06 paviedamiŭ, što na Lvoŭščynie pad atakaj byŭ abjekt krytyčnaj infrastruktury:
«Na Lvoŭščynie atacy padvierhnuŭsia abjekt krytyčnaj infrastruktury. Bolš infarmacyi — potym».
Ukrainskija miedyja paviedamlajuć, što atakavać sprabavali Stryjskaje hazavaje radovišča i hazaschovišča ŭ Lvoŭskaj vobłaści.
Apoŭnačy pa ŭsioj terytoryi Ukrainy była abvieščanaja rakietnaja niebiaśpieka praz pahrozu zapusku balistyčnych rakiet z palihona Kapuścin Jar u Astrachanskaj vobłaści. Praź niekatory čas paśla hetaha i byli zafiksavanyja vybuchi ŭ Lvoŭskaj vobłaści.
Miarkujučy pa videa, jakija źjaŭlajucca ŭ siecivie, Rasija mahła ŭdaryć pa Lvoŭščynie «Arešnikam» biez bajavoj častki. Hetak ža sama było i ŭ pieršy raz pry prymianieńni hetaha typu zbroi ŭ 2024 hodzie, kali byŭ udar pa Dniapry.
Aficyjna ŭłady, adnak, prymianieńnie hetaha typu zbroi pakul nie paćviardžali.
Minabarony pakazała, jak «Arešnik» zastupaŭ na bajavoje dziažurstva
Daśledčyki znajšli miesca ŭ Biełarusi, dzie bazujecca «Arešnik»
Zialenski: «Arešnik» u Biełarusi niasie hłabalnuju pahrozu
Łukašenka nie pretenduje na bolš čym dziasiatak «Arešnikaŭ»
Va Ukrainie zajavili, što źniščyli adzin rasijski «Arešnik» prosta na palihonie
Kamientary