Va Ukrainie zajavili, što źniščyli adzin rasijski «Arešnik» prosta na palihonie
Kiraŭnik Słužby biaśpieki Ukrainy Vasil Maluk paviedamiŭ, što ŭkrainskija śpiecsłužby źniščyli rasijskuju rakietu «Arešnik» na palihonie Kapuścin Jar u Astrachanskaj vobłaści. Pavodle jaho słoŭ, apieracyja, jakaja adbyłasia letam 2023 hoda, była sumiesnaj dziejnaściu SBU, Hałoŭnaha ŭpraŭleńnia raźviedki i Słužby źniešniaj raźviedki Ukrainy. Maluk adznačyŭ, što apieracyja prajšła paśpiachova, ale pra jaje viedali tolki kiraŭnictva Ukrainy i niekalki zamiežnych lidaraŭ.
Prezident Ukrainy Uładzimir Zialenski, kamientujučy słovy Maluka, paviedamiŭ, što ŭ Rasii na toj momant było try rakiety «Arešnik». Adna ź ich paźniej była vykarystanaja dla ŭdaru pa dnieprapiatroŭskim zavodzie «Poŭdzieńmaš» u listapadzie 2024 hoda.
Kiraŭnik Słužby źniešniaj raźviedki Ukrainy Aleh Ivaščanka dadaŭ, što ŭ 2025 hodzie Rasija mahła vyrabić jašče try takija rakiety i płanuje vypuskać da šaści štohod.
Zialenski taksama źviarnuŭ uvahu, što Maskva maje namier raźmiaścić «Arešniki» ŭ Biełarusi. Pavodle jaho słoŭ, radyus dziejańnia hetych rakiet kala piaci tysiač kiłamietraŭ, tamu krainy Uschodniaj Jeŭropy pavinny być asabliva ŭvažlivymi.
Prezident Rasii Uładzimir Pucin raniej zajaŭlaŭ, što «Arešnik» byŭ vykarystany ŭ niajadziernym varyjancie jak adkaz na ŭdary ŭkrainskich vojskaŭ pa rasijskaj terytoryi z vykarystańniem zachodnich rakiet ATACMS i Storm Shadow.
U ZŠA i Vialikabrytanii miarkujuć, što «Arešnik» źjaŭlajecca madyfikavanaj viersijaj mižkantynientalnaj rakiety RS-26 «Rubiež». U toj ža čas jość mierkavańnie, što infarmacyjnaja kampanija vakoł hetaj rakiety była častkaj prapahandy Kramla, metaj jakoj było zapałochvańnie Zachadu.
«Arešnik» pastaviać na bajavoje dziažurstva ŭ Biełarusi ŭ śniežni
Pucin zajaviŭ ab sieryjnaj vytvorčaści «Arešnika»
Rasija prapanuje nieraźmiaščeńnie «Arešnika» ŭ Biełarusi ŭzamien na nieraźmiaščeńnie amierykanskich balistyčnych rakiet siaredniaj dalokaści ŭ Jeŭropie
Rasija nie moža rabić «Arešnik» biez zachodnich technałohij
Ukrainskija ekśpierty razabralisia, z čaho zrabili rasijski «Arešnik»
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary