Maładym biełaruskim ciažkaatletam dazvolili vystupać pad čyrvona-zialonym ściaham
Vykanaŭčaja rada Mižnarodnaj fiederacyi ciažkaj atletyki (IWF) pryniała rašeńnie, pavodle jakoha spartsmieny ź Biełarusi i Rasii mohuć udzielničać u junijorskich i maładziožnych turnirach biez dadatkovych pravierak i z vykarystańniem dziaržaŭnaj simvoliki. Pra heta paviedamili ŭ pres-słužbie arhanizacyi.
Zdymak ilustracyjny. Krynica: freepik.com
Hetaje rašeńnie budzie dziejničać užo na najbližejšych čempijanatach śvietu. Junijorski turnir adbudziecca z 2 pa 8 maja ŭ Ismailii (Jehipiet), a spabornictvy siarod moładzi — z 5 pa 11 lipienia ŭ Kali (Kałumbija).
22 studzienia taksama stała viadoma, što mahčymaść viartańnia da mižnarodnych spabornictvaŭ junackich kamand U18 ź Biełarusi i Rasii ŭ siezonie 2027/28 razhladaje Mižnarodnaja fiederacyja chakieja (IIHF).
U śniežni 2025 hoda Mižnarodny alimpijski kamitet prapanavaŭ źmiakčyć abmiežavańni dla biełaruskich i rasijskich atletaŭ na mižnarodnaj arenie.
Čytajcie taksama:
U Estonii zabrali čempijanat Jeŭropy pa fiechtavańni za admovu vydać vizy rasijanam i biełarusam
U Łatvii padčas vystupleńnia biełaruskich spartsmienaŭ na Alimpijadzie buduć uklučać rekłamu