Jašče dźvie biełaruskija frystajlistki vystupiać na Alimpijadzie. Skład biełaruskaj delehacyi ŭ Italii vyklučna žanočy
Dziakujučy pieraraźmierkavańniu kvot u łyžnaj akrabatycy kolkaść biełarusak u alimpijskim turniry pavialičyłasia z adnoj da troch.
Pa vynikach adboračnaha pieryjadu pramuju pucioŭku na Hulni zavajavała tolki Hanna Huśkova, jakaja trojčy traplała ŭ dziasiatku najlepšych na etapach Kubka śvietu, brała zołata na Alimpijadzie-2018 i srebra na Alimpijadzie-2022.
21 studzienia stała viadoma, što dadatkovyja licenzii atrymajuć taksama Hanna Dziaruha i Anastasija Andryjanava, paviedamlaje Nacyjanalny alimpijski kamitet
Našy dziaŭčaty vystupili na troch etapach Kubka śvietu, ale ni razu nie zmahli pieraadoleć kvalifikacyjny barjer. Tym nie mienš nabranych bałaŭ biełaruskim spartsmienkam chapiła, kab finišavać u top-30 ahulnaha zaliku.
Takim čynam, u hałoŭnym starcie čatyrochhodździa voźmuć udzieł siem našych spartovak: akramia frystajlistak, heta Maryna Zujeva (kańkabiežny sport), Viktoryja Safonava (fihurnaje katańnie), Hanna Karalova (łyžnyja honki) i Maryja Škanava (harnałyžny sport).
Heta minimalnaja kolkaść pačynajučy z 1994 hoda, kali biełarusy stali vystupać asobnaj kamandaj. Zvyčajna ŭ Zimovaj Alimpijadzie brała ŭdzieł 27 da 33 biełaruskich spartoŭcaŭ. U Piekinie-2022 było 29.
Zimovyja Alimpijskija hulni 2026 hoda projduć u italjanskich Miłanie i Karcina-d'Ampieca z 6 da 22 lutaha.
Toj samy masažyst raskazaŭ, navošta zdymaŭ hołych klijentak2
Kamientary