Rasijanie ŭdaryli šachiedami pa pasažyrskim ciahniku ŭ Charkaŭskaj vobłaści
U Charkaŭskaj vobłaści Rasija ŭdaryła bieśpiłotnikami pa pasažyrskim ciahniku «Barvinkava — Lvoŭ — Čop». Pa słovach vice-premjera Ukrainy Alaksieja Kuleby, ataka była ździejśniena tryma BPŁA typu Shahed. Udary byli naniesienyja pierad ciepłavozam i pa pasažyrskim vahonie, u vyniku čaho ŭ vahonie ŭźnik pažar.
Fota: t.me/OleksiiKuleba
U ciahniku znachodziŭsia 291 čałaviek. Pasažyraŭ evakujavali maksimalna chutka. Na hety momant dva čałavieki atrymali ranieńni — ich vyvieli členy ciahnikovaj bryhady i pieradali chutkaj dapamozie. Abodva paciarpiełyja špitalizavanyja.
Vice-premjer Ukrainy adznačyŭ, što ŭdar pa pasažyrskim ciahniku — heta pramy akt rasijskaha teroru suprać mirnych hramadzian, bieź jakoj-niebudź vajskovaj celi.
Čytajcie taksama:
80% Charkava i vobłaści zastalisia biez elektryčnaści paśla rasijskaj ataki
Rasijanie nanieśli rakietny ŭdar pa krytyčnaj infrastruktury Charkava